السبت 15 يونيو 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

‎بشرى عن انتقاد طارق الشناوي لـ أولاد حريم كريم: مفكرتش ألومه ولا أعاتبه.. من إمتى بيمدح حاجة؟

بشرى
فن
بشرى
الإثنين 11/سبتمبر/2023 - 12:23 م

علقت الفنانة بشرى على انتقاد الناقد الفني طارق الشناوي وهجومه على فيلم أولاد حريم كريم، والذي قامت بإنتاجه مؤخرًا، والعمل من بطولة الفنان مصطفى قمر.

وقالت بشرى في تصريحات تلفزيونية، إن فيلم أولاد حريم كريم يجمع بين النوستالجيا والجيل الجديد، والكواليس مع المخرج علي إدريس كانت جميلة، معلقة: اسألوا الشباب الجديد اللي اشتغل مع فنانين عندهم خبرة حسوا بألفة ولا، الناس مستغربة حالة الحب اللي موجودة في العمل، وده قليل لما بيحصل في الوسط بتاعنا.

وعن انتقاد طارق الشناوي للفيلم، ردت بشرى: في بعض النقاد آرائهم انطباعية مش تحليلة بشكل علمي بتحسس الناس أنهم مشافوش الفيلم أصلا ومسكوا في شخص واحد اتكلموا عليه، والحمدلله ردود الفعل عند الجمهور حلوة جدا، ولا صوت يعلوا فوق صوت الجمهور، أصل ده فيلم مهرجانات ولا صوت يعلوا فوق الجمهور هو اللي بيحدد.

بشرى

وأضافت بشرى: الفيلم جماهيري مش بتاع مهرجانات سينمائية عشان يكون نقدي بالشكل ده، أهم حاجة الناقد يحلل الفيلم وميقتصرش مجهود الفيلم في شخص واحد، عيب في ناس ورا الكاميرا اشتغلت وعمُال كمان.

وقالت بشرى: مفكرتش أكلم طارق الشناوي ولا ألومه ومن إمتى وهو بيمدح أساسا، أنا عندي مبدأ في الحياة اسمه سيري يا نورماندي، مهما حصل مبقفش لكن هو زميل ومعايا في كذا لجنة تحكيم، ولكن مبنتظرش منه مدح يعني.

فيلم أولاد حريم كريم

العمل من بطولة الفنان مصطفى قمر، وشارك فيه مجموعة من الفنانين، أبرزهم: بشرى، بسمة، داليا البحيري، رنا رئيس، تيام مصطفى قمر، خالد سرحان، ويعرض حاليًا في جميع دور العرض بالسينمات.

تابع مواقعنا