طلب يغير لمبة محروقة وسرقني.. ننشر أقوال سائح تعرض للسرقة من حارس عقار بمدينة نصر
كشفت التحقيقات في القضية رقم 3645 لسنة 2023 جنح ثان مدينة نصر تفاصيل تعرض شخص يحمل جنسية أجنبية للسرقة مبلغا ماليا من داخل مسكنه من حارس عقار بمنطقة مدينة نصر.
حارس عقار يسرق سائح أجنبي بمدينة نصر
وحصل القاهرة 24 على أقوال السائح المجني عليه، إذ قال: اللي حصل إن كنت سايب الشطة بتاعتي في الشقة اللي أنا مأجرها وسيبت ابني والشنطة ونزلت اشتري حاجات من السوبر ماركت وفي الوقت ده اللي أنا كنت فيه تحت بواب العمارة خبط على باب الشقة وابني فتح له الباب وكنت أنا قايل للبواب إني في لمبة قدام الشقة عايزها تتغير علشان مش شغالة.
تابع السائح المجني عليه: ساعتها البواب انتهز إني تحت وابني بس اللي موجود فوق في الشقة خبط الباب وطلب أنه يدخل الشقة يجيب لمبة وابني دخله وبعدها أنا روحت وببص في الشنطة ملقتش الفلوس بتاعتي جواها وهي كان فيها مبلغ 8400 دولار وساعتها نزلت قسم ثان مدينة نصر وكان معايا مترجم اسمه زمر الدين وعملت محضر بالواقعة.
القبض على حارس عقار سرق سائحا أجنبيا
ألقت الأجهزة الأمنية القبض على حارس عقار يدعى محمد.أ بتهمة سرقة مبلغ مالي وقدره 8400 دولار أمريكي من شخص أجنبي الجنسية، حال قیام حارس العقار بتغيير لمبة إضاءة داخل شقة المجني عليه، حيث كان المبلغ المالي بداخل حقيبته الش
وكانت البداية عندما تلقى الرائد محمد صقر رئيس مباحث قسم شرطة مدينة نصر ثان بلاغ من شخص يحمل جنسية أجنبية بتضرره من حارس عقار بمنطقة مدينة نصر، سرق مبلغا ماليا من داخل مسكنه.
وعلى الفور انتقلت فرقة مباحث شرطة مدينة نصر ثان، وألقت القبض على حارس العقار المتهم بالسرقة وبمواجهتهما اعترف بارتكابه الواقعة، وتم اتخاذ الإجراءات القانونية، وتولت النيابة العامة التحقيق.
