خالد الجندي: ربنا كرمنا برئيس يبني الوطن ويصلح ما تم إفساده منذ 40 عاما

قال الشيخ خالد الجندي، عضو المجلس الأعلى للشؤون الإسلامية، إنه يدعم وطنه ولا ينتظر منصبا ولا وزارة، لافتا إلى أنه حتى المحاضرات التي يلقيها لا يتلقى عليها أجرا، وإن كان هناك أجر يدفعه في طباعة كتب وتوزيعها لنشر العلم.

خالد الجندي: ربنا كرمنا برئيس يبني الوطن ويصلح ما تم إفساده منذ 40 عاما

وأضاف خالد الجندي عضو المجلس الأعلى للشؤون الإسلامية، خلال حلقة برنامج لعلهم يفقهون، المذاع على فضائية dmc، اليوم الأربعاء: إحنا ربنا كرمنا برئيس يبني الوطن ويصلح ما تم إفساده منذ 30 أو 40 عاما، شوفوا اللي حصل فى البلدان اللي جنبنا مدن وقرى اختفت، عشان مفيش بنية تحتية، مضيفا: هتقولي تطبيل ونفاق والكلام دا، فهنسيب يعوي من يعوي فاحنا بنتكلم على حاجة لصالح بلدنا ومش هنقبل إرهاب في الفعل أو القول.

واستكمل خالد الجندي: إحنا عندنا بنية تحتية وقيادة واحدة علينا الالتفاف حولها، شوفوا مشروع حياة كريمة اللي بيعمر القرى وبيعمل بنية تحتية، شوفوا الدول اللي اختفت فيها القرى دي عشان مفيش إصلاح ولا قيادة سياسية واحدة، ومفيش عمل على إصلاح البلاد.

وواصل خالد الجندي: البعض بيحاول يشتت انتباهك، في ناس عندها هوس والكرسي عامل لهم هبل في دماغهم، لكن بقول المنصب تكليف مش تشريف، واللي هييجي في منصب وفاهم إنه الموضوع أبهة وفشخرة فعصر الأبهة والفشخرة انتهى، مضيفا: عايز أقولك شوف كام كوبري ومدرسة اتعملوا في عهد الرئيس السيسي، لكن شوف كام منهم شال اسم الرئيس السيسي، مش هتلاقي، لأنه من الأول قال بعمل لله واللي بيصلح مصر هو ربنا.

خلال الحلقة، قال الشيخ خالد الجندي، عضو المجلس الأعلى للشؤون الإسلامية، إن الوطن نعمة كبيرة يجب أن نحمد ونشكر الله عليها، لافتا إلى أن كل إنسان من المفترض أن يربى على حب تراب الوطن، وأن نحمد الله على نعمة الأمن والأمان لكل المواطنين.

واختتم الجندي عضو المجلس الأعلى للشؤون الإسلامية، خلال حلقة برنامج لعلهم يفقهون، المذاع على فضائية dmc، اليوم الأربعاء: كل يدعو إلى الله بطريقته، فالإنسان الذي يتقن عمله ويرفض الرشوة أو الانحراف في العمل أو عدم مراعاة الضمير هو داعية إلى الله.

خالد الجندي: الإنسان الذي يرفض الرشوة داعية إلى الله

خالد الجندي: سعادتك الحقيقية لا تأتي من الأشياء المادية التي تملكها