لوسي: ربنا مديني حقي في الفن.. ومعنديش مشكلة مع أي فنان ما دام بيحترم المهنة
تحدثت الفنانة لوسي، عن مدى رضاها بمشوارها الفني وأهم أدوارها، مشيرة إلى أنها قدمت أدوار مختلفة ومتنوعة خلال مسيرتها الفنية.
وقالت لوسي في تصريح لـ القاهرة 24، إنها راضية تمامًا عن مشوارها الفني، معلقة: الحمد لله رب العالمين راضية، وأهم حاجة إن ربنا مديني حقي بيني وبين الفن، وبشوف أن الفن كرسي بيتغير وناس بتيجي تقعد وناس تقوم، أهم حاجة إن ربنا يبقى راضي عنك ومدي لك ناس بتحبك وصحة وقبول، ولما حد بيشوفك ويكلم عليكى كلام كويس وده أجمل حق ممكن تخديه من ربنا.
وعن أكثر الأدوار الذي تحبها في مشوارها، ردت لوسي: الحمد لله مبسوطة إني قدمت أدوار كلها مختلفة ومفيش دور شبه التاني، وربنا كرمنى بدورى في المداح السنة اللي فاتت وتركت عملين عشان أعمله لأني مكنتش عملت الشخصية دي قبل كده، ومعنديش مانع أو مشكلة في العمل مع أي فنان ما دام بيحترم المهنة.
أعمال لوسي
وكانت شارك لوسي في مسلسل المداح 3، الذي عرض في موسم رمضان ماضي لعام 2023، وضم العمل العديد من الفنانين مع لوسي وحمادة هلال منهم: خالد زكي، يسرا اللوزي، هبة مجدي، محمد رياض، دنيا عبد العزيز، رانيا فريد شوقي، محمد عز، خالد سرحان، أحمد ماهر، تامر شلتوت وغيرهم، والمسلسل من تأليف أمين جمال ووليد أبو المجد وتحت قيادة المخرج أحمد سمير فرج.
