بعد انتهاء عرض سفاح الجيزة.. الوايلي يهاجم سمر طارق ويحذر من التعامل معها: بتكدب كدب صريح
على الرغم من النجاح الذي حققته أغنية عتمة، تتر مسلسل سفاح الجيزة لـ سمر طارق والوايلي، إلا أن الأخير خرج وحذر من التعامل مع المطربة، مشيرًا إلى أنه لن يتعامل معها مرة أخرى لعدم احترافيتها ومهنتيها، إلى جانب محاولاتها إنكار أي دور له بداية من تعاونهما في تتر مسلسل الهرشة السابعة، وفق قوله.
وكتب المطرب كريم عماد جابر الشهير بـ الوايلي عبر حسابه بموقع التواصل الاجتماعي فيس بوك: مساء الفل.. مبسوط ان سفاح الجيزة خلص وكنت مستنى اللحظة دى عشان اقول حاجة مهمة، دي آخر مرة في حياتى هتعامل فيها مع سمر طارق، لأسباب كتيرة جدا أولها عدم الاحترافية والمهنية، وثانيها محاولاتها في إنكار أي دور ليا في أي حاجة لدرجة توصل إنها بتكدب كدب صريح في الانترفيوز لمجرد إنها تدي كريدت لنفسها على حاجة معملتهاش.
وتابع الوايلي: وأنا بكتب دلوقتي حسيت إن كمية المواقف اللي مش لطيفة واللي هي كانت السبب فيها أو الإدارة بتاعتها السبب فيها على مدار السنة اللي فاتت كلها سواء في تراك لو بتاع الهرشة السابعة أو عتمة كتيرة أصلا على أني اشرحها أو أتكلم عنها.. فهكتفى بأني أحذر صحابى البروديوسرز منها وخلاص.. وبجد بتمنى الظروف متستدعيش اقعد أحكي كل موقف حصل فيه إيه عشان مش دا اللي حابب اكون بضيع وقتي فيه الفترة الجاية.
الوايلي وسمر طارق
وتعاون الوايلي مع سمر طارق في أغنية لو تتر مسلسل الهرشة السابعة، ومن ثم كررا التعاون في تتر أغنية سفاح الجيزة بطولة أحمد فهمي وحققت الأغنية نجاحا كبيرا وكذلك العمل الذي انتهى عرضه مؤخرًا.
