خالد يوسف: يحيى الفخراني من الكبار في تاريخ الفن المصري.. وأتمنى أشتغل معاه
أعرب المخرج خالد يوسف، عن أمنيته في العمل مع الفنان يحيى الفخراني، مؤكدًا أن الفخراني يعتبر من النجوم الخمس في تاريخ الفن المصري.
وقال خالد يوسف، في لقائه مع برنامج عرب وود: لو في ممثل واحد بس على أرض مصر أتمنى أشتغل معاه هيبقى يحيى الفخراني، لأن ده الموهبة الكبيرة اللي أنا بعتقد أنه يتحط في مصاف الكبار مع نجيب الريحاني ومحمود المليجي، فهو واحد من الخمسة الكبار في تاريخ السينما كلها وتاريخ الفن المصري.
خالد يوسف: زينة ممثلة مهمة.. ومبتعملش ربع مشكلة في مناخ العمل
وعلى جانب آخر، دافع المخرج خالد يوسف، عن الفنانة زينة والتي تشارك في بطولة فيلمه الإسكندراني، المأخوذ عن رواية الكاتب الراحل أسامة أنور عكاشة، قائلًا: زينة أنا بشوفها ممثلة مهمة جدًا، وما يُقال عن إن في مشاكل بتحصل انا مبشوفهاش كده خالص، وبصراحة شديدة لما اشتغلت معاها في كارما مفيش ربع مشكلة عملتها، ولا مع فريق العمل ولا في المناخ ولا شخصيتها، وهي مجتهدة جدًا ومكرسة وقتها للعمل ومركزة جدًا.
وأضاف خالد يوسف: مفيش أي حاجة من اللي بيقولوها دي شوفتها على زينة، علشان كده أنا متحمس أشتغل معاها تاني.
فيلم الإسكندراني
ويشارك في فيلم الإسكندراني بجانب الفنان أحمد العوضي مجموعة من النجوم أبرزهم زينة، محمد رضوان، انتصار، حسين فهمي، صلاح عبد الله، محمود الليثي، محمود حافظ، وغيرهم من الفنانين، والفيلم من إخراج خالد يوسف.
