إنجي المقدم: وصلت لمرحلة أني متصالحة مع نفسي.. ومبحاولش أدعي أني أم مثالية
تحدثت الفنانة إنجي المقدم عن طفولتها وأهلها، وعن حياتها الشخصية وتعاملها مع أولادها، مشيرة إلى أنها أصبحت متصالحة مع ذاته بشكل أكبر، ولا تتدعي أنها أم مثالية.
وقالت إنجي المقدم خلال تصريحات عبر موقع يوتيوب: كنت مبسوطة أوي بفترة كورونا وقعدة البيت.. وجات لي فرصة أني اقعد مع نفسي، والفترة اللي قبل كورونا.. كنت بهرب كتير وبستخبى وبشغل نفسي، وكان عندي خوف كبير من المجهول والمستقبل وبخاف على أولادي جدًا.
وعن طفولتها وعلاقتها بأهلها، أضافت إنجي المقدم: الخوف جالي من تروما حصلت لي وأنا صغيره.. وأخويا اتوفى وأنا عندي 6 سنين قدامي ودي كانت حقيقي صدمة، وخناقات أبويا وأمي مع بعض وطلاقهم وأنا عندي 14 سنة ده بردو سبب ليا تروما.. وتعرضت للتنمر وأنا صغيره في النادي والمدرسة.
إنجي المقدم: مبحاولش أدعي أني أم مثالية.. ووصلت لمرحلة أني متصالحة مع نفسي
وعن علاقتها بـ أولادها، أوضحت إنجي: مبحاولش أدعي أني أم مثالية وبتكلم وبقول كل حاجة لأولادي، وعايزه أكون عايشه في سلام داخلي اللي جوا زي اللي برا عندي.. وعايزه اتحرر وأكون حرة.
وعن أصدقائها وعلاقتها بهم، استكملت إنجي حديثها: مازلت كل يوم اتعلم حاجه جديدة أو أغير حاجه جديدة، وصحابي متغيروش، ولكن في جزء منهم اتغير شويه بشويه.. مبقتش كائن اجتماعي اوي بقى عندي وقتي معظم الوقت انا لوحدي تماما، ووصلت لمرحله أني بحب نفسي ومتصالحه مع نفسي.
