نقيب الموسيقيين: أنا في ضهر مصطفى قمر لأنه عضو بالجمعية العمومية
أكد الفنان مصطفى كامل، نقيب المهن الموسيقية، أنه ما زال مساندًا للفنان مصطفى قمر في أزمته مع الناقد الفني طارق الشناوي.
وقال مصطفى كامل في تصريح لـ القاهرة 24: أنا في ضهر عضو الجمعية العمومية مصطفى قمر.. ومليش دعوة بالخطأ، لأن الخطأ هنا لما يترتب عليه خطأ يبقى الطرفين مخطئين، ولما تقول عليا مطرب فاشل يبقى الكلام ده مكانه المحاكم.. والموضوع أصبح خارج نقابة الموسيقيين لأنهم رفعوا قضايا على بعض.
مصطفى كامل عن توزيعه حلوى المولد: ربنا يقدرني وأكون في عون زملائي
على جانب آخر، قال مصطفى كامل عن توزيعه حلوى المولد على أعضاء النقابة: الحمد لله ده الواجب في ظل الظروف اللي حاصلة والأسعار والحمد لله كل الناس مبسوطة وربنا يقدرني أكون في عون زملائي، وحلوى المولد كفت وفاضت، ولسه الناس بتيجي تاخد.
ونفى مصطفى كامل خضوعه لعملية تجميل في تصريحاته مع القاهرة 24، وذلك بعدما نشر طبيب تجميل صورا له معه في مركزه الطبي وظهر نقيب الموسيقيين بلوك جديد، حيث قال: مليش في الكلام ده ووشي مش محتاج.. وأنا روحت لدكتور التجميل لأني عامل لوك جديد ودقن لأني داخل فيلم جديد.. وما عنديش مشاكل في وشي علشان أعمل تجميل ولا في احتياج لكده.
