السيسي عن ثورة يناير: بقى حد عاوز يحكم بلد في 2011 يهدها عشان يخدها في 2012
تحدث الرئيس عبدالفتاح السيسي رئيس الجمهورية عن ثورة 25 يناير، قائلًا: أنا كنت بقول يا جماعة كل يوم بيعدي علينا باللي إحنا فيه ده البلد بتروح ومش هنعرف نرجعها بعد كده.. نستقر والانتخابات تجيب اللي تجيبه.
السيسي لـ المصريين: أنا أخوكم ويهمني تكونوا في حته تانية
وأكد السيسي خلال كلمته بفعاليات مؤتمر حكاية وطن بين الرؤية والإنجاز، أن الـ36 مليار دولار جبناهم بشق الأنفس من سنة 90، 91 لحد الثورة وخلصناهم في سنة ونص مع الثورة، موجهًا حديثه إلى المصريين، قائلًا: أنا أخوكم ويهمني تكونوا في حته تانية.
وكان الرئيس عبد الفتاح السيسي رئيس الجمهورية، وصل صباح اليوم إلى مقر انعقاد مؤتمر حكاية وطن، والمنعقد الآن بالعاصمة الإدارية الجديدة.
وحرص رئيس الجمهورية، على الترحيب بحضور مؤتمر حكاية وطن، بقوله: بنرحب بكم جميعًا، وسعداء بوجودكم، النهاردة وبكرة وبعده، إن شاء الله هنحكي حكاية بلدنا، وكان فيه حوار وطني أطلقنا السنة اللي فاتت عشان نسمع لبعض.
ومن جهة أخرى، قالت الدكتورة هالة السعيد وزيرة التخطيط والتنمية الاقتصادية، إنه تم تطوير وإنشاء 120 ألف فصل باستثمارات 140 مليار جنيه، ووصل نصيب محافظات الصعيد منها لنحو 35%.
وأضافت وزيرة التخطيط، خلال كلمتها بمؤتمر حكاية وطن بين الرؤية والإنجاز، بحضور الرئيس عبد الفتاح السيسي وعدد من الوزراء والمسئولين، أن إجمالي الفصول التي تم تطويرها تسع 4.8 مليون طالب، موضحة أنه من المتوقع في السنوات الخميس المقبلة 2023-2027 خلق 69 مليون وظيفة وفقدان 83 مليون وظيفة.
