محمد فراج: زوجتي أهم محطة في حياتي.. والزمن غدار وسرق مني ناس مهمين
تحدث الفنان محمد فراج في لقاء تليفزيوني، عن جوانب مختلفة من شخصيته بعيدًا عن الحياة العملية، وأكد أن الزمن غدر به عندما سلب منه أشياء وأشخاصا كثيرين.
ونستعرض في السطور التالية أبرز تصريحات محمد فراج التليفزيونية:
-الزمن غدار والوقت سرق مني حاجات كتير أولهم ناس مهمين ملحقتش أستمتع بوجودهم معايا.
-فاتني حاجات كتير فاتني عمر في طفولتي معشتهوش وياريت لو رجع بيا الزمن.
-أهم مراحل حياتي الفترة اللي مريت بيها لما والدي ووالدتي توفوا ومرحلة أحلى قصة حب في حياتي.
-فترة طفولتي سابت بصمة واضحة جدًا جوايا بس مش مكتملة وكنت أتمنى إن الفترة دي يكون فيها قرب لحاجات كنت محتاج أعيشها أكتر.
-فاتني في حياتي وقت كنت المفروض أقضيه مع أمي وأبويا أكتر من كدة.
-تجربتي مع الزمن هي اللي صنعت محمد فراج بس لما بنبقى في الموقف نفسه مش بنبقى مدركين ممكن نكسب إيه من الموقف ده.
-الظروف والزمن خدموني لما وقع في طريقي ناس مهمين ولما قابلت حب حياتي.
-عندي حنين أكتر للماضي ومحطة القطر الأهم في حياتي هي بسنت زوجتي.
أعمال محمد فراج
وعلى الجانب المهني، يعيش محمد فراج فترة انتعاش فني حاليًا، حيث يعرض له بدور عرض السينمات فيلم فوي فوي فوي، الذي يشارك في بطولته العديد من الفنانين، أبرزهم الفنانة نيللي كريم، طه دسوقي، حنان يوسف، وغيرهم، والعمل من تأليف وإخراج عمر هلال.
مسلسل بطن الحوت
وعلى جانب الدراما التليفزيونية، ينتظر محمد فراج عرض مسلسل بطن الحوت على منصة شاهد خلال الفتة المقبلة، ويضم العمل كل من: الفنان باسم سمرة، سماح أنور، عبد العزيز مخيون، هاجر السراج، بسمة، وغيرهم، والعمل من تأليف وإخراج أحمد فوزي صالح.
