يسرا كانت لابسة برج مائل.. مايان السيد وعنبة يكشفان كواليس مشهد الفرح في مسلسل 1000 حمد الله على السلامة

كشفت الفنانة مايان السيد ومطرب المهرجانات عنبة، كواليس مشهد الفرح الشهير بأزيائه وإطلالاته الغريبة والمميزة، ضمن أحداث مسلسل 1000 حمد الله على السلامة، بطولة الفنانة يسرا.

وقال عنبة خلال حلوله ضيفًا على الإعلامية إسعاد يونس، ببرنامج صاحبة السعادة: في مشهد الفرح جابولي بدلتين واحدة سودا وواحدة بيضا، لما قيست السودا قالولي إيه ده شكلك جان، مع إن البدلة واسعة ومش مقاسي أصلا.

وتابع عنبة: وكنت عامل شعري طبيعي عادي فشيماء سيف قالتلي أنت مش شايف إحناعاملين إزاي يلا؟ أنت تدخل تبوظ شعرك المسبسب ده زينا، ودخلت عملت تسريحة غريبة في شعري وعجبتهم وبقى راكور، بقيت أنا اللي أسرح لنفسي كل مشهد.

عنبة: يسرا كانت لابسة باروكة شبه البرج المائل

وأضاف عنبة: أستاذة يسرا كانت لابسة باروكة متحركة كأنها برج مائل، راسها كانت بتتهز معاها، وكان يوم طويل قوي وأحنا بنصوره.

كما علقت مايان السيد على هذا المشهد قائلةً: إحنا بنعمل كوميدي فـ عندنا مساحة نهزر، وأنا وشيماء سيف كنا لابسين حاجات غريبة برضو، ومحمد ثروت كان لابس هندي، فـ إحنا كنا رايحين نلعب كدة كدة.

عنبة: يسرا حببتنا في بعض وقت التصوير

وعن الأجواء السائدة في لوكيشن تصوير مسلسل 1000 حمد الله على السلامة، قال عنبة: كلنا في الكواليس كنا بنحب بعض، وأستاذة يسرا حببتنا في بعض، حتى الأكل لازم تجمعنا ناكل مع بعض.

وتطرقت مايان السيد للحديث عن شخصية بويكا، الذي جسدها عنبة في المسلسل، قائلةً: عنبة اتأثر بالشخصية جدا وكان بيتعامل بيها، ومرة ضايقته في مشهد وإحنا بنمثل لقيته متضايق مني بجد، قلتله أنت متضايق مني ليه؟ فهي ملكة عند الممثل إنه زي ما بيعرف يدخل جوة الدور يعرف يخرج منه وميخليهوش يأثر فيه.

مسلسل 1000 حمد الله على السلامة   

عرض مسلسل 1000 حمد الله على السلامة في موسم رمضان الماضي 2023، وشارك في بطولته العديد من الفنانين، أبرزهم الفنانة يسرا، آدم الشرقاوي، مايان السيد، عنبة، شيماء سيف، محمد ثروت، وغيرهم.

مايان السيد تعلن حصولها على عضوية نقابة المهن التمثيلية