منى زكي وكريم عبد العزيز يشاركان في احتفالية نصر أكتوبر: هنكمل اللي بدأناه ونبني الجمهورية الجديدة
شاركت الفنانة منى زكي والنجم كريم عبد العزيز في احتفالية الذكرى الـ 50 على انتصار حرب أكتوبر المجيد؛ بحضور الرئيس عبد الفتاح السيسي، وعدد من رجال القوات المسلحة وأبطال حرب أكتوبر ومجموعة من الفنانين.
وقالت منى زكي: يوم العبور التاريخ اتكتب من أول وجديد ومكانش حد في العالم مصدق إننا نقدر علشان ميعرفوش السر.. سر دعوة أم وأب من القلب وسر الله أكبر وعقيدة قتالية لجيش بيقول يا النصر يا الشهادة، الشعب المصري ملوش كتالوج ميقبلش يعيش محتل في أرضه متهني وده مش كلام إنشا ده التاريخ اللي بيقول.
ومن ناحيته، قال كريم عبد العزيز: الجيش وقف معنا وحمى مصر وقت الثورة والشعب اللي كان نايم يحلم لبكره صحى على كابوس وجيشنا تدخل ووقف بطل وحط روحه على كفنه وقال اللي هيقرب من مصر هشيله من فوق وش الأرض.
ومن ثم قدم الثنائي كريم عبد العزيز ومنى زكي كلمة معا جاءت كالتالي: بلدنا كبيرة وعظيمة ومهما عدى عليها بتفضل واقفة واثبتة وصلبة، كل الشغل اللي حصل على أرضها آخر كام سنة بيقول إننا نقدر.. لإن الشعب اللي بينجز شغل خمسين سنة في أقل من خمس سنين شعب مينهزمش ومينكسرش ولو وقع بيقف تاني، ومش إحنا اللي بنقول كده ده التاريخ اللي بيقول كده.. هنكمل اللي بدأناه ونبني الجمهورية الجديدة.. والتحدي مهما كان صعب هنقدر عليه.. وزي ما عدينا اللي فات هنعدي اللي جاي علشان مصر اللي بنحلم بيها، وطول ما احنا إيد واحدة هنقدر ونوصل وكلنا فداء مصر وتحيا مصر يا ريس.
