أحمد فؤاد سليم: بفضل الرئيس السيسي أصبح لدينا اكتفاء ذاتيا من الخضروات.. ومش متصور حد يكمل مكانه
كشف الفنان أحمد فؤاد سليم، أنه كان يشعر بقلق كبير من عدم ترشح الرئيس عبد الفتاح السيسي لانتخابات الرئاسة، مؤكدًا أن الشعب يحتاجه.
وقال أحمد فؤاد سليم خلال تصريحات إذاعية: كنت قلقان من عدم ترشح السيسي لأني مش متصور حد هيكمل مكانه، لأن إحنا محتاجينه هو أكتر من احتياحه لينا لأن فيه ملفات مفتوحة لسه ما اتقفلتش، وهو الوحيد اللي يقدر يكملها وكنت عاوز أقول له أنت زهقت مننا ولا إيه.
وأضاف أحمد فؤاد سليم: إحنا النهارده لو ما كناش بفضل السيسي بنزرع الكام فدان اللي استصلحوا في مصر كان زمانا مش لايقيين ناكل خضار وفاكهة، إحنا عندنا اكتفاء ذاتي من الخضروات في الوقت اللي فيه أزمة في العالم كله بلا استثناء في الأكل خاصة الخضار والفاكهة لأننا بقينا معتمدين على الذكاء اصطناعي وسبنا الحياة الحقيقية والحرث والزراعة والبناء، والأشياء الهامة وأصبح عندنا توحد.
وتحدث أحمد فؤاد سليم عن كلمته أمام الرئيس عبد الفتاح السيسي خلال مشاركته في مؤتمر حكاية وطن، والذي انعقد على مدار ثلاثة أيام بالعاصمة الإدارية الجديدة، قائلًا: فيه فرق بين المشخصاتي أحمد فؤاد سليم وبين المواطن المصري أحمد فؤاد سليم، وأنا كنت بعبر عن المواطن المصري.
