صديق محمد بطاوي يكشف آخر أمنياته: كان نفسه يبقى ممثل معروف علشان يساعدنا
كشف صديق الفنان الراحل محمد بطاوي، الأمنية الأخيرة له قبل وفاته، والذي رحل عن عالمنا يوم السبت الماضي، إثر أزمة قلبية.
صديق محمد بطاوي يروي اللحظات الأخيرة في حياته
وأكد صديق محمد البطاوي في لقائه مع القاهرة 24: كان حلمه يبقى ممثل معروف والناس كلها حباه وكان نفسه يوصل عشان يوصلنا معاه.
وأضاف: من وقت ما اتعامل معانا وهو بيتعامل معانا بحسن وطيبة وعمره ما زعل حد منه، ولما كنت بقعد معاه وجوايا مشاكل الدنيا كلها كان بيعرف يخرجنا، وعلمني الجدعنة وإزاي اتعامل وامسك في حلمي وميأسش أبدًا.
كما تحدث عن اللحظات الأخيرة له، مؤكدًا أنه شعر بإرهاق شديد أثناء تواجده في حفل زفاف صديقه وثم نقل للمستشفى ثم توفى، معلقًا: قبل وفاته كان فيفرح ومسبش حد غير لما سلم عليه فتعب شوية في الفرح وراح المستشفى على رجله، ثم توفي.
وعن آخر حديث بينهما، قال صديق محمد بطاوي: آخر مرة كنت مكلمه من أسبوعين وقالي وحشتني وعايز أشوفك ويلا بينا ننزل كانه حاسس بوفاته، ومكنتش عارف أسيب شغلي ومعرفتش أشوفه.
وتابع: في صديق لينا قال أن بطاوي تعبان عايزين نروح نشوفه، كنت بنرتب إننا نروح وكلمت صاحبي عشان نروح قالي أنا في المستشفى دلوقتي مع بطاوي وأنا رايح لهم في الطريق كلمني وقالي أنه توفي ومكنتش مصدق ده غير لما شوفت جثمانه.
وفاة محمد بطاوي
وتوفى الفنان محمد بطاوي، عضو فريق مسرح مصر يوم السبت الماضي بسبب أزمة قلبية، مسببا صدمة لعائلته ومحبيه.
وأعلن أحد أصدقاء محمد بطاوي وفاته، إثر أزمة قلبية، وكتب عبر موقع فيسبوك: توفي إلى رحمة الله الأخ والصديق وعشرة السنين الفنان محمد بطاوي، إنا للهوإنا إليه راجعون
