الحل في الحرب.. عمر كمال عن ضحايا فلسطين: الناس بتموت ومش هنقعد نعمل أغاني ونصوت
علق مطرب المهرجانات عمر كمال، على أحداث القصف الإسرائيلي على أهالي غزة في مناطق مختلفة، مؤكدًا: إسرائيل مينفعش معاها غير حرب.
ونشر عمر كمال، مقطع فيديو عبر حسابه الشخصي بموقع الفيديوهات تيك توك، وقال: أنا مبشاركش غير ببوستات أو برأي من وقت الأزمة على صفحتي وبفضل أكون بعيد لحد ما الأزمة تعدي عشان في ناس أهم مني 100 مرة ممكن تكلم في اللي بيحصل ده وتقول رأيها.
وتابع عمر كمال: إسرائيل مينفعش معاها غير الحرب هتبرع بدمك بكره هي هتوقع 100 شهيد ودمك ملوش أي لازمة، هتبرع زي محمد صلاح هتتبرع هتوقع بيوت وهدمر غزة، هتكتب رأيك في بوست هتقاطع مطاعم كل ده مينفعش مع إسرائيل عشان هما بينفذوا وبس.
وأضاف عمر كمال: لازم نتوحد كعرب ونجهز جيش قوي ويخشوا الحرب زي ما عمل محمد أنور السادات، الحل في الحرب من الآخر، والناس بتموت ومش هنقعد نعمل أغاني ونصوت.
ومن جانبه، أغارت قوات الاحتلال الإسرائيلي، أمس، على مستشفى المعمداني، بضربة صاروخية شنها طيران الاحتلال، وهو ما تسبب في انفجار قوي ونشوب النيران بشكل كبير، وسقوط أكثر من 1000 شهيد كانوا يتواجدون بمحيط المستشفى.
وكان تقدم الرئيس عبد الفتاح السيسي رئيس الجمهورية، بخالص التعازي في ضحايا مستشفى المعمداني في غزة.
وأكد الرئيس السيسي، خلال كلمته الآن في مؤتمر صحفي للرئيس السيسي والمستشار الألماني أولاف شولتس، إدانة مصر لكافة الأعمال العسكرية التي تستهدف المدنيين بالمخالفة والانتهاك الصريح لكافة القوانين الدولية، مشددًا على رفض جميع الممارسات المتعمدة ضد المدنيين.
