حسام داغر: المقارنة بين محمد صلاح وباسم يوسف خاطئة.. ومحمد رمضان حر في رأيه
وجه الفنان حسام داغر رسالة للفلسطينيين، مشيرًا إلى أن الشعب الفلسطيني كُتب عليه الكفاح منذ سنوات طويلة، فالمصريين والعرب لن ينسوا القضية وسيظلوا داعمين.
وقال حسام داغر خلال لقائه مع القاهرة 24: الفلسطينيون مكتوب عليهم الكفاح من سنين طويلة، والقضية بتتورث جيل ورا جيل، ومصر هتفضل الداعم الأول ورئيس القضية ديه، حتى لو كل الناس اتخلت.
حسام داغر: محمد صلاح قال كل الأرواح مقدسة لأنه بيلعب في نادي دولي
وعبّر عن رأيه في الهجوم الذي تعرض له اللاعب محمد صلاح خلال الأيام الماضية، قائلًا: معرفش بيهاجموا صلاح ليه؟ واحد مالوش في السياسة ده واحد بيلعب كورة ورافع اسم مصر وشاطر في اللي بيعمله، ولما نيجي نقارنه بباسم يوسف ده راجل سياسي ومذيع ومفوه وعارف بيقول إيه، ففكرة المقارنة مش مع صلاح أبدًا؛ وبسبب الضغط طلع قال بيان عشان يقول أنا ماليش دعوة من الآخر، وإن كل الأرواح مقدسة؛ لأنه مش عايز يكون طرف في حاجة؛ لأنه بيلعب في نادي دولي.
وعن رأيه في طريقة دعم الفنان محمد رمضان للقضية الفلسطينية، تابع حسام داغر: كل واحد حر زي ما هو شايف، إنما أنا أعقب على رأيه ده اللي مش صح، دي حرية شخصية كل واحد بيحب يشارك رأيه بالشكل اللي يريحه.
