السيسي: عاوز أقول لشبابنا وولادنا اللي خايفين متقلقوش.. اشتغلوا وشوفوا شغلكم
قال الرئيس عبد الفتاح السيسي إن مصر دولة ذات سيادة وأرجو إننا كلنا نحترم سيادتها ومكانتها، ومصر دولة قوية جدًا لا تمس.
وأضاف الرئيس عبد الفتاح السيسي، في كلمته بالملتقى الدولي السنوي للصناعة: مهم أوي لشبابنا وشباتنا وجميع المصريين اللي قلقنين، بقولهم متقلقوش وبفضل الله سبحان وتعالى زي ما حفظ البلد دي في 2011 و2013 هيحفظها دايمًا، لأن إحنا أبدًا في سياستنا لم يكن بها غدر أو خسة أو تآمر أو مصالح، وكانت مصلحتنا إن الدنيا كلها تبقى مستقرة ونبني ونعمر في بلدنا، وده اللي إحنا اشتغلنا عليه.
وتابع: الدولة المصرية بفضل الله وبفضل شعبها وشبابها وجيشها قادرة على حماية بلدها تمامًا، فمتقلقوش وشوفوا شغلكم وشوفوا حالكم وعيشوا حياتكم وإحنا إن شاء الله نبذل جهدا كبيرا جدًا لنخفف ونهدئ من حالة الاقتتال الموجودة في قطاع غزة.
على جانب آخر، قال الرئيس عبد الفتاح السيسي، إنه يجب التنسيق لإعادة تخصيص الأراضي المتاحة أمام المستثمرين.
وأضاف الرئيس السيسي في كلمته منذ قليل بالملتقى الدولي السنوي للصناعة: في أراضي اسمها الأراضي المستردة اللي كان تعدى عليها البعض خلال السنوات الماضية في جميع المحافظات، وقد تكون موجودة داخل مناطق سكنية، وهو حجم لا بأس به بتكلم عن ملايين الأمتار.
