السيسي: لو بنعمل كل حاجة صح أومال حالنا كده ليه؟.. الواحد يبقى صادق
قال الرئيس عبد الفتاح السيسي رئيس الجمهورية خلال كلمته صباح اليوم في افتتاح الملتقى والمعرض الدولي للصناعة: الناس كلها بتقول أحنا دخلنا قليل والأسعار عالية، أنتم فاكرين الدولة هتبقى قوية وقادرة بحكومة أو برئيس؟، لو فاكرين كدة تبوقوا بتظلموا نفسكم والفكرة.
السيسي من افتتاح الملتقى والمعرض الدولي للصناعة
وأضاف السيسي خلال كلمته اليوم: البلد بتقوم بأهلها وشعبها، الناس كل واحد في كل مكان بيحرص على كل قرش وجنيه عشان يوفره لبلده عشان يبقى ليها مكان.
واستكمل الرئيس السيسي خلال كلمته بالملتقى اليوم: العبرة مش بالمجالس العبرة بالإرادة، إرادة الناس والموظف اللي في المكتب اللي مش عارف أنه أما بيوقف إجراء بيعود على إزاء كبير لبلده، يا ترى بتدرسوه للطلبة أنه يكون كعامل ميقبلش أنه يشتغل من غير اتقان أو إدراك أو كامل ساعات عمله، علمتوهم؟ محدش يقولي أه، لكن أحنا نقعد نقول أحنا بنعمل وبنعمل، طب لو بنعمل كل حاجة صح أومال حالنا كدة ليه، الواحد يبقى صادق.
وتابع: وأنا صغير بتعلم كان ساعتها حرب الاستنزاف والمدرسين يقولولي الغلطة وخساريها، عشان نبقى متعلمين منغلطش عشان منخسرش، أعلمه أن ميبقاش كل هدفي مرتبي، أعرفهم أن مرتبي هو الدور اللي هقوم به عشان أنجح المنشأة، لأن دي مشكلة في بناء الشخصية بتاعتنا في مصر.
