حورية فرغلي تكشف تفاصيل فيلمها الجديد ديجافو: من أصعب الأدوار اللي هعملها في حياتي| فيديو
كشفت الفنانة حورية فرغلي تفاصيل مشاركتها في فيلم ديجافو، وذلك بعد غيابها دام عن شاشات السينما لمدة 4 سنوات.
ونشرت الفنانة حورية فرغلي فيديو عبر حسابها الشخصي على موقع تبادل الصور والفيديوهات إنستجرام، قالت فيه: أنا طالعة مخصوص عشان اقولكوا أحلى خبر، الحمد لله أنا لسه ماضية فيلم ديجافو، مع المخرج عيد العربي، يمكن تستغربوا اشمعنا دلوقتي، لأن بصراحة كان معروض عليا حاجات كتيرة بس ملقتش حاجة جديدة فيهم، أنا عملت أدوار كتير، بس معملتش الدور ده قبل كده ويعتبر من أصعب الأدوار اللي ممكن أعملها في حياتي.
حورية فرغلي تتحدث عن تبنيها طفل فلسطيني
وكانت حورية فرغلي تحدثت عن إمكانية تبينها طفلًا من أبناء فلسطين في ظل الأزمة التي يمرون بها بسبب الحرب، وذلك بعد طرح أشرف زكي نقيب المهن التمثيلية فكرة تبني طفل من أبناء غزة على الفنانين، وذلك خلال مؤتمر التضامن مع فلسطين في مصر.
وقالت حورية فرغلي في لقاء مع برنامج Et بالعربي: ما ينفعش أتنبى لأني مش متجوزة، حاولت أتبنى قبل كده، وقالوا لي مش هينفع، لازم تكوني متجوزة، فكفلت طفلين وماتوا، وشلت الرحم من فترة وعمري في حياتي ما هيكون معايا أولاد وبعتبر كل الأطفال الصغيرين ولادي، قلبنا معاكم وبنفكر فيكم طول الوقت ومش بنتكلم غير عليكم وإن شاء الله ربنا هيعدي الأزمة دي على خير.
