محسن محيي الدين: أمنيتي في عيد ميلادي نتحد كدول عربية ونعلم إسرائيل الأدب
كشف الفنان محسن محيي الدين، عن أمنيته في عيد ميلاده، الذي يصادف اليوم 1 نوفمبر الموافق الأربعاء حيث أتم عامه الـ 64، قائلا أنه لن يحتفل في ظل الأحداث المأساوية التي تشهدها فلسطين.
وقال محسن محيي الدين خلال تصريح لـ القاهرة 24: مش حاسس إن النهاردة عيد ميلادي ومفيش احتفال طبعا ولا حاجة في الظروف اللي إحنا فيها دي، مفيش أحاسيس معينة نعيشها غير الزعل اللي الواحد فيه، والحالة دي طاغية على الكل.
محسن محيي الدين: مش بحتفل بأعياد ميلادي.. ولازم نعلّم إسرائيل الأدب
وتابع محسن محيي الدين: ربنا ينجينا من اللي إحنا فيه وربنا ينصر المجاهدين، وأنا في المطلق مش بحب أعياد الميلاد والواحد بيكبر، فمش بحب الاحتفال في العموم، وأمنيتي في عيد ميلادي إن يا رب نتوحد ونقف قصاد الجبابرة اللي موجودين دول، وكلهم متحدين علينا، فإحنا كدول عربية إزاي مش متحدين؟ أتمنى إن إحنا نتحد ونعلم إسرائيل الأدب.
آخر أعمال محسن محيي الدين
وعلى الجانب المهني، يعد مسلسل ريفو 2 آخر أعمال محسن محيي الدين، والذي ضم عددا من الفنانين، أبرزهم المطرب أمير عيد، تامر هاشم، ركين سعد، سارة عبد الرحمن، عمرو جمال، حسن أبو الروس، صدقي صخر، محسن محيي الدين، شريف نور الدين، وآخرين، والعمل من تأليف محمد ناير، وإخراج يحيى إسماعيل.
