المفروض هنيدي يتعب شوية.. جمال العدل: سمعت إن مرعي البريمو مش حلو وأرض النفاق 2 مش هينجح
قال المنتج جمال العدل، إنه لم يشاهد فيلم مرعي البريمو للفنان محمد هنيدي ولا يرى أي فيلم يعرض له في السوق، مشيرًا إلى أن انخفاض إيرادات أعماله لا يعني ضعف محمد هنيدي.
جمال العدل: الإيرادات مش معناها أن هنيدي شطب
وأوضح جمال العدل تصريحات تلفزيونية، أن هناك عوامل تتحكم في الإيرادات، قد يكون منها ظروف السوق والسينمات واحترافية الموزع، مضيفًا: الإيرادات مش معناها أن هنيدي شطب.. وممكن يكون الفيلم نزل في توقيت غلط، وفيه حاجات تانية بتتحكم في الإيرادات.
وأضاف جمال العدل: سامع أن الفيلم مش حلو، لكن هنيدي له ذوقه وطبعه وله خصوصية، والمفروض محمد هنيدي يتعب على نفسه شوية عشان يعمل حاجات أحسن من كده، لأن هو جر جيل كامل ولسه عنده اللي يقدمه.. وهنيدي بيعمل الجزء التاني من أرض النفاق من غيري، للأسف وهو حقه قانونًا، لكن فيه حق أدبي وحق مادي، وأنا ليا الحق الأدبي، لكن في رأيي أنه مش هينجح.
واختتم جمال العدل: هنيدي صاحبي وعشرة عمر، لكن اللي غايظني أنه راجل نجم ومهم، وعيب يعمل كده، واللي غاظني أكتر أنه نزل صورة فبعتها ليه على الواتس آب وقلت له إيه ده، وما ردش عليا لحد دلوقتي، ضايقني أكتر.. أنت راجل مش لطيف أبدًا.
