علاء مرسي يعلق على أزمة سلام وبيومي فؤاد: ليه رابطين الشغل بأحداث غزة؟.. مش في إيدينا نروح نحارب
علق الفنان علاء مرسي، على أزمة الفنان بيومي فؤاد ومحمد سلام بسبب مسرحية زواج اصطناعي ورفض الأخير السفر للمشاركة في العرض؛ بسبب أحداث غزة مبررًا بأن العرض كوميديً ومليئ بالاستعراضات، في حين انتقد بيومي بطل المسرحية محمد سلام؛ ما عرّضه لانتقادات وهجوم كبير.
وقال علاء مرسي معلقًا على الانتقادات التي يتعرض لها بيومي فؤاد: راجل بيشتغل شغلته، أومال يطلعوا يعملوا إيه على المسرح، معروف الفترة دي إن المسرح كوميدي، وفيه مسرحيات كوميدية بتتعرض في مصر، وكل واحد يقول ويتكلم وخلاص، كل واحد حر يشتغل أو لأ دي مسألة بتاعته في الآخر المواضيع مش كده، المفروض نتكلم عن اللي جاي وعن شباب فلسطين اللي ضاع، والفنان زي المحامي والدكتور والمهندس.
وتابع علاء مرسي: زمان أيام حرب أكتوبر كانوا بيعملوا أوبرتات عن أكتوبر ويحمسوا الناس، وإحنا مش في إيدنا حاجة غير أننا ندعي ليهم إحنا مش في ايدنا نروح غزة ونحارب.
واستكمل: ليه رابيطن الشغل باللي بيحصل في غزة ده شيء مالهوش علاقة، المفروض ندعي ليهم ونخلي قلوبنا معاهم وما نتكلمش على الناس لأ نتكلم على غزة يا رب يحميهم وينصرهم وأنا بدعم غزة والدم اللي هناك والأطفال.
آخر أعمال علاء مرسي
ويُشار إلى أن علاء مرسي شارك في مسلسل الكبير أوي الجزء السابع بطولة أحمد مكي، والذي يشارك فيه أيضًا محمد سلام وبيومي فؤاد، وعُرض في الموسم الرمضاني الماضي، كما شارك في مسلسل 100 ألف حمد الله على السلامة بطولة يسرا.
