محمد النني: بنزعل لما نلعب من غير الجمهور.. وفي إفريقيا بيكون سر قوتهم

تحدث محمد النني، لاعب منتخب مصر ونادي أرسنال الإنجليزي، عن رغبته في حضور جماهيري كبير لمباريات المنتخب الوطني في القاهرة خلال مباريات تصفيات كأس العالم 2026، من أجل المساندة في التأهل وتحقيق حلم المصريين.

محمد النني: فينجر وأرتيتا هما أكثر من وقف بجانبي في آرسنال.. وهذا أفضل ناد في العالم عندي

انضمام النني وتريزيجيه وحامد وشريف لمعسكر منتخب مصر قبل مواجهة جيبوتي وسيراليون

تصريحات محمد النني

وقال محمد النني نجم أرسنال الإنجليزي ومنتخب مصر في تصريحات خلال المؤتمر الصحفي قبل مواجهة جيبوتي: إحنا بنكون زعلانين جدا لما نلعب في بلدنا ومفيش جمهور، وبنشوف لما بنروح أي بلد في إفريقيا بنشوف الجمهور مع المنتخب بتاعهم ازاي ومتواجد في الملعب دي نقطة قوة بالنسبة ليهم.

وأضاف محمد النني: دي حاجة مش كويسة اننا نلعب في بلدنا هنا ومفيش جمهور، بتمنى الجمهور يرجع تاني ويملا الاستاد لأن كلنا بنحب البلد وأكيد الناس حابة إننا نكسب ونروح كاس عالم وناخد إفريقيا فاحنا بناخد القوة دي منكم، بنتمنى الاستاد يكون ملئ بالجماهير غدا.

وأتم: مش محتاجين نتكلم مع اللاعبين عن أهمية كاس العالم، بس طبعا بنقولهم أهمية المرحلة الجاية وكلنا حاسين بالمسئولية.

ومن جانبه، تحدث روي فيتوريا، المدير الفني لـ منتخب مصر، عن دور محمد صلاح، نجم ليفربول الإنجليزي والمنتخب الوطني مع الفراعنة خلال المرحلة الحالية.

وقال روي فيتوريا المدير الفني للمنتخب الوطني، في تصريحات عبر المؤتمر الصحفي قبل مواجهة جيبوتي: عارفين إن محمد صلاح من أفضل اللاعبين على مستوى العالم، ووقت ما يكون في رقابة قوية على لاعب مميز ده هيقلل الرقابة في مكان آخر، واحنا اشتغلنا على كده.