أبرز تصريحات نجلاء بدر الإذاعية: أتمنى أكون زي منى زكي ومبحبش مسلسل ستات قادرة
حلت الفنانة نجلاء بدر ضيفة على أحد البرامج الإذاعية، كاشفةً كواليس مشاركتها في مسلسل صوت وصورة الذي حقق نجاحًا كبيرًا خلال الفترة الماضية، وتصدر تريند مختلف مواقع التواصل الاجتماعي.
أبرز تصريحات نجلاء بدر الإذاعية
- أتمنى أكون زي منى زكي، هي عبقرية، ولما بتفرج عليها بقول معقول في يوم من الأيام هبقى زيها وأوصل لنفس الأداء والحب والتقمص والمشاعر؟
- كنت بتمنى رضوى -حنان مطاوع- تكون القاتل في مسلسل صوت وصورة، ومحدش فينا كان عارف مين القاتل لحد تصوير الحلقة 27.
- مش سهل الممثل يتفرج على نفسه لأن مواجهة النفس صعبة.
- فيه شخصيات عملتها كتير وعلّمت معايا ومع الجمهور زي شخصية إيناس في مسلسل حكاية حياة وشخصية دينا في مسلسل فوق مستوى الشبهات وشخصية وزة في مسلسل ستات قادرة رغم إني مكنتش حابة المسلسل ده وشخصية جميلة في الفتوة وشخصية زيزي في مسلسل رمضان كريم.
- زمان وأنا صغيرة مكنتش فاهمة مسئولية الفن.
- مثلت مع مراد مكرم 4 مرات إحنا كبرنا واختلفنا في الأداء.
- الممثل كل ما بيكبر قيمته بتزيد لأنه مخزون كبير أوي من حياته وحياة الآخرين.
- حسيت بتناقض في شخصية نرمين بمسلسل صوت وصورة.
- الفنان أو المذيع اتعلموا يعني إيه إن مشاعره تبقى جوا، بيمثلوا إنهم سعداء والواقع يبقى العكس.
- إحنا في قانون الضرائب مؤديين خدمات للشعب ثقافية ترفيهية إخبارية.
