ملك أحمد زاهر عن اختفائها: بحاول اختار أدواري حتى لو صغيرة.. واتعلمت من والدي الالتزام
تحدثت الفنانة الشابة ملك أحمد زاهر عن سبب اختفائها خلال الفترة الماضية، معللًة ذلك بنصيحة والدها لها، الفنان أحمد زاهر، قائلةً: دايما والدي بينصحني إني اشتغل بروح الهاوي.
وقالت ملك زاهر خلال حوارها مع القاهرة 24: بحاول أختار أدواري، دي اللي حاجه اللي اتعلمتها من والدي، قالي أختار الحاجة الصح، عشان ممرش مرور الكرام.
وأضافت ملك زاهر: عايزه أنزل حتى لو بدور صغير، لو بمشهدين، المهم يكون دور معلم وحلو.. ويكون مفيد، ويخلي الناس تقول إني شاطرة وأثبت نفسي.. عايزه أشتغل على حاجه حلوة، لإني بمثل عشان بحب التمثيل.
وعن نصيحة والدها أحمد زاهر لها، أوضحت ملك: دايما بتعلم منه الالتزام دايما يقول أنا ممكن أكون احترفت التمثيل بس دايما بشتغل بروح الهاوي ودي حاجه دايما بحب اسمعها منه.
آخر أعمال ملك زاهر
وشاركت ملك زاهر في فيلم فارس، آخر أعمالها، والذي عرض عام 2022، مع عدد كبير من النجوم أبرزهم: أحمد زاهر، حسين فهمي، إيمان العاصي، نهال عنبر، في عمل من تأليف حسام موسى وإخراج رؤوف عبد العزيز، وتدور أحداثه في إطار اجتماعي تشويقي.
