هند عاكف عن ارتدائها فستان علمي مصر وفلسطين: رسالة سلام مني.. والفنانين بيسامحوا الجمهور
كشفت الفنانة هند عاكف، سر اختيارها لإطلالتها المميزة في حفل تكريم وشوشة 2023، الذي أقيم أمس في مركز المنارة، إذ ظهرت على ريد كاربت الحفل بإطلالة عليها علمي مصر وفلسطين.
وقالت هند عاكف خلال لقائها مع القاهرة 24، إنها جاءت لها فكرة إطلالتها بارتدائها فستان عليه علمي مصر وفلسطين في حفل تكريم وشوشة 2023 تعبيرًا منها كرسالة سلام، معلقة: حبيت تقديم فكرة السلام اللي مصر طول عمرها بتنادي بالسلام وأحنا كمصريين وكفنانين بندعم القضية الفلسطينية وبندعم السلام في العالم كله، فحبيت اعمل ده وحطيت علم مصر يدعم علم فلسطين.
وعن رأيها حول موقف أزمة الفنان محمد سلام والفنان بيومي فؤاد، أوضحت هند عاكف قائلة: كل واحد لي وجه نظر في الموضوع، أنا شكرت محمد سلام على موقفه الجميل جدا، وعايز أقول لبيومي فؤاد أنت راجل محترم وممكن خانه التعبير، فأحنا كفنانين وكجمهور مصري لما بنحب حد بيكون لي رصيد عندنا، أحنا منزعلش منه أوى، فبيومي فؤاد أكيد لى رصيد عند الجمهور وعندنا كلنا، وممكن أي حد يقع في خطأ والجمهور يسامحه.
وحول سر اختياراتها في إطلالتها المختلفة عند ظهورها في أي مهرجان سينمائي، أوضحت هند عاكف: بحب أعمل حاجة ليها هدف ومفيدة واللي بيحبك هيحب كل إطلالتك حتى لو كانت إطلالة مش حلوة، وبيكون في قلة صغيرة اللي بينتقدونا وأحنا عشان بنحب جمهورنا بنسامحهم مش بنزعل منهم.
