ابنة أحمد راتب تحيي ذكرى وفاة والدها: لسة صوتك في ودني وشكلك محفور في قلبي
حرصت لمياء ابنة الفنان أحمد راتب، على إحياء ذكرى وفاة والدها، والذي رحل عن عالمنا في مثل هذا اليوم الخميس الموافق 14 ديسمبر، معربة عن حزنها الشديد لفقدانه.
وكتبت لمياء راتب، منشورًا عبر حسابها الشخصي بـ إنستجرام، جاء فيه: لما بيسيبك حبيب وواحدة واحدة تبدأ تستوعب بتلاقي نفسك بتسأل يعني خلاص كده، خلاص بجد، طيب مفيش حتة أمل صغيرة إنك ترجع، طيب ما أنت لسة جوايا.
أضافت لمياء راتب حديثها قائلًا: لسة صوتك في ودني وشكلك محفور في قلبي، إزاي كل اللي بينا ده مبقاش ليه أي ترجمة في الواقع، إزاي اختفيت كده من كل حاجة، هفضل مع الحاجات اللي جوايا دي لوحدي إزاي، في كتير بيقولوا إنك لسه حاسس بيا وشايفني.
وتابعت لمياء راتب: طيب شوفتني وأنا بعيط من شوقي ليك، شوفتني وأنا بموت كل يوم على وش الدنيا، حسيت برعشة قلبي كل لما أشوف صورتك، وصل لك عجزي لما بضعف ومش بلاقيك، طيب لما بنادي عليك بالليل بالدعاء بتسمعني، يعني أنت عارف غيابك عمل فيا إيه.
واختتمت لمياء راتب حديثها قائلة: أنا بعترف إني عايشة بصدمة من يوم ما أبويا سابني، أنا بسميها كسرة بسميها عجز بسميها شوق ملوش مكان يروحه بسميها ذكريات بتدبح الروح.
أعمال أحمد راتب
يذكر أن أحمد شارك في عدد من الأعمال الفنية، التي نالت إعجاب الملايين من محبيه، أبرزها: فيلم الإرهاب والكباب، بخيت وعديلة، ومسرحية الزعيم، ومسلسل هند والدكتور نعمان، السيرة الهلالية، وغيرها من الأعمال، وقدم خلال مسيرته الفنية أكثر من 500 عمل فني، تنوع فيه الفنان ما بين السينما والدراما والمسرح، وجميعها أعمالًا تعلق بها الجمهور.
