نورهان منصور تبكي خلال حديثها عن القضية الفلسطينية بالجونة السينمائي: شكرًا للفن اللي بيوصل صوتنا
دخلت الفنانةنورهان منصور، في نوبة بكاء خلال حديثها عن أحداث غزة، بجانب رأيها في البرنامج الفلسطيني، الذي يقدم ضمن فعاليات الدورة السادسة من مهرجان الجونة السينمائي.
تصريحات نورهان منصور عن القضية الفلسطينية بالجونة السينمائي
وقالت نورهان منصور خلال لقائها مع القاهرة 24: كنت مترددة أحضر مهرجان الجونة، لأن مهرجان يعني فرحة وبهجة واحتفال وفي مساحة من الألم، فالواحد يعني شوية مش قادر.
وأردفت نورهان منصور قائلة: إحنا نستغل صوتنا عشان نوصّل للعالم قد إيه إحنا عندنا قضية مهمة جدا محتاجين نتكلم عنها، وبالرغم من كده والله الكلام صعب يتقال بس المهم ربنا معاهم يا رب إن شاء الله كلنا بندعيلهم، وكان مهم نعبر عن رأينا بأي وسيلة حتى لو كانت من خلال الفن، وشكرًا لـ الفن اللي بيوصل صوتنا.
وحول رأيها في البرنامج الفلسطيني، أوضحت نورهان منصور: والله ده توقيت مناسب إن إحنا نبتدي نتعرف على الفن الفلسطيني بشكل عام، أنا عن نفسي بصراحة شديدة أول مرة في حياتي أتفرج على فيلم فلسطيني، وبلوم نفسي قبل كده في الحقيقة، بس كويس جدا إتاحة إن المهرجان ياخد الفرصة نتابع ونتعرف على ثقافات جديدة من جهات مختلفة من العالم كله خصوصا المجتمع الفلسطيني، وقد إيه الناس دي جميلة في عز الظروف اللى بيمروا بيها في عز الأحداث والقسوة اللي بيتعرضولها، وإزاي بيخرجوا فن زي دا، ده معناه حاجة كبيرة.
