بسنت شوقي: مش جايه أقول الصح والغلط في الفن.. وفيلم فوي فوي فوي طلع أحلى ما كنت متوقعة|فيديو
تحدثت الفنانة بسنت شوقي عن فكرة توصيل رسالة من خلال العمل الفني، بجانب رأيها في فيلم فوي فوي فوي، بطولة زوجها الفنان محمد فراج، خلال حضورها في مهرجان الجونة السينمائي بدورته السادسة.
وقالت بسنت شوقي خلال حوارها مع القاهرة 24: مؤمنة إن الفن بيكون طاقة عند الفنان، سواء التمثيل أو الغنا أو النحت أو الرسم أو أي حاجه خالص.. محدش بيرسم لوحة معينة عشان يوصل رسالة، الفن ده فطرة ربنا خلقها جوا الواحد بتخليكي تطلعي الحاجة، وبتخلي الناس تشوف نفسها فيكي.
وأضافت بسنت شوقي: ممكن حد من ثقافة تانية يحس بوجعي وألمي.. والفن رسالته هي تواصل الناس مع بعض، إحنا في الآخر واحد، وأنا مش جاية أدي درس في الأخلاق ولا أقول صح ولا غلط ولا داخلة أصلح الكون.
وعن رأيها في فيلم فوي فوي فوي، أوضحت بسنت: حبيت الفيلم من أول ما قرأته، وكنت متوقعة نجاحه، وطلع أحلى ما كنت متوقعة.
آخر أعمال بسنت شوقي
ويعد مسلسل العودة آخر أعمال بسنت شوقي، ويعرض في الوقت الحالي العمل على قناة DMC، ويضم العمل عددا كبيرا من النجوم، أبرزهم: شريف سلامة، وليد فواز، تارا عماد، عصام السقا، تامر نبيل، حمزة العيلي، وعددا آخر من الفنانين، والعمل من تأليف أمين جمال وإخراج أحمد حسن.
