ملناش غير الفن.. عمر كمال ومحمود الليثي: نتعرض لضغوطات في الوسط ومش هنسيب الشغلانة
أكد الفنان محمود الليثي والفنان عمر كمال، تعرضا لضغوط كبيرة طوال مشوارهما الفني، لكن هذا لن يدفعهما إلى ترك المجال الفني لحبهما له وإثبات نفسهما من خلاله، موضحين أنهما لن يتركا مجال الفن مهما كانت الصعوبات التي يواجهونها.
عمر كمال: مش هنسيب الشغلانة
قال الفنان محمود الليثي خلال ندوته مع القاهرة 24: المفروض اللي بيشتغل في الفن يكون ماشي فيه زي القطر، متخفش من حد غير ربنا ومتبصش يمين ولا شمال، ولا تخاف من فوات الرزق لأن ربنا كاتب لكل واحد رزقه من يوم ما تولدنا لحد ما نموت.
ومن جانبه قال عمر كمال: أكيد بنتعرض لضغوطات في مجال الغناء، وبييجي علينا سنين مش بنكون في أحسن حالاتنا، لأن دي أيام بتروح وتجي، وإحنا اشتغلنا بـ 10 جنيه وبـ 200، وبـ1000 و2000، شُفنا الحياة على كل وش، فلما الدنيا النهاردة متدنيش هسبها لا مش هسيبها لأن ملناش غير الفن.
أعمال عمر كمال ومحمود الليثي
يذكر أن عمر كمال ومحمود الليثي، طرحا مؤخرًا أحدث أغانيهما بعنوان أخوك يشرف بلد وهي من كلمات مصطفى الجن، ألحان علاء غنيم، وتوزيع إسلام شيبسي، والأغنية من فيلم حمص وحلاوة، المقرر طرحه الفترة المقبلة في دور العرض السينمائي.
جاءت كلمات أغنية أخوك يشرف بلد، كما يلي: محسوبكم مش أجنبي، هتروحوا فين ونبي، أنا برضه حته تقيله، سيطرت على كوكبي، أنا عارف إن وجودي بيلغي أي حقودي، أخوك بفضل الله ميكلش حد معاه، واللي يجيني على سكة ربنا يتولاه.
