مدرب بيراميدز عن خناقة الشيبي والشحات: لاعبنا مؤدب ومحاولش يرد الاعتداء اللي حصله| خاص
يواصل القاهرة 24 نشر التحقيقات حول واقعة المشاجرة التي حدثت بين حسين الشحات لاعب النادي الأهلي ومحمد الشيبي لاعب نادي بيراميدز، والتي تطورت إلى صفع حسين الشحات للشيبي على الوجه وسبه بعبارات -نتحفظ على نشرها-، كما رصدت كاميرات ستاد الدفاع الجوي الواقعة، وهو ما جعل حسين الشحات يبرر ما فعله بأن ما صدر منه ناتج عن قيام محمد الشيبي بتوجيه له السباب طوال المباراة.
واقعة الشيبي وحسين الشحات
واستمعت جهات التحقيق في هذه الواقعة لأقوال مدرب اللياقة البدنية بنادي بيراميدز أشرف بيومي، حيث قال: الواقعة اللي حصلت كانت قدامي لأني كنت واقف في الملعب، إحنا كنا في ماتش الأهلي وبيراميدز، وأول ما الماتش انتهى كنت واقف في التراك ولقيت حسين الشحات جاي ناحية محمد الشيبي وقاله إنت يالا لو كنت طولت معايا في الملعب شوية كنت (…) -ألفاظ نتحفظ على نشرها - عشان أنت عيل مهزأ وراح ضربة بالقلم بأيده الشمال وجت على خد محمد الشيبي الأيمن وبعد كده محمد الشيبي رجع على غرفة اللبس وحسين الشحات راح على أوضته.
التحريات في خناقة الشيبي والشحات
واستكمل الشاهد أقواله قائلا: الكلام ده حصل يوم 23 /7 /2023 حوالی الساعة 9:55 مساء في ملعب الدفاع الجوي، وأنا كنت موجود في المباراة بصفتي إخصائي تدليك بفريق بيراميدز، خصوصا إن الكلام ده حصل أمام المقاعد المخصصة للجهاز الفني والإداري لنادي بيراميدز فكان الكل موجود تقريبا، وبالنسبة للشحات أنا معرفش حاجة عنه غير إنه لاعب في النادي الأهلي ومفيش بيني وبينه أي خلافات، والشيبي هو لاعب في الفريق محل عملي ومفيش خلافات بينا.
وأضاف الشاهد: واللي حصل إن بعد المباراة جه حسين الشحات وسب الدين لمحمد الشيبي وبعد كدة ضربه بالقلم على وشه، وكمان أنا سمعته بيقول لمحمد الشيبي لو كنت طولت معايا في الملعب شوية كنت - بألفاظ نتحفظ على نشرها - وأنت عيل مهزًا، ومسببلوش أي إصابات، بس هو شعر بالإهانة وكلنا اتأثرنا بيها، بس الشيبي لاعب محترم ومؤدب ومحاولش يرد الاعتداء اللي حصله، وبعدها إحنا أخدنا الشيبي ودخلناه غرفة اللبس، بعد الواقعة دي الماتشات وقفت وهو قال إنه هيلعب ثاني مفيش مشكلة خالص.
وأردف الشاهد في خناقة الشيبي والشحات: اللي حصل في نفس اليوم بعد الماتش اليوم النادي الأهلي وقع عقوبة مالية على حسين الشحات بقيمة 300 ألف جنيه ويوم وصلت لـ500 ألف جنيه، وكذلك الاتحاد وقع عليه عقوبة ماتشين إيقاف وغرامة 20 ألف جنيه،
وأنا عرفت بالكل التفاصيل دي لإن كان بيني وبينهم حوالي اتنين ونصف متر، ومكانش فيه أي خلاف بين الشيبي والشحات غير واقعة ماتش السوبر اللي حصلت من حوالي شهرين ثلاثة إن معظم لاعيبة الأهلي ضربوا محمد الشيبي في دولة الإمارات، وهما ضربوه عشان كان فيه لاعيب من الأهلي واقع على الأرض والشيبي عايز يلعب بسرعة فضربوه ومش متذكر إذا كان حسين الشحات من ضمن المعتدين على اللاعب ولا لا.
