الأربعاء 22 مايو 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

طليق البلوجر هدير عاطف في التحقيقات: ساعدتني في شغلي عشان كانت مراتي |خاص

هدير عاطف - بلال
حوادث
هدير عاطف - بلال طليقها
الجمعة 29/ديسمبر/2023 - 11:03 ص

يواصل  القاهرة 24 نشر أقوال طليق البلوجر هدير عاطف في اتهامهما بالاستيلاء على أموال مواطنين والنصب عليهم، بزعم استثمارها لتحقيق عوائد وأرباح مالية، بعد ترويجهما عبر صفحتها الشخصية لجذب ضحاياها وتحصلهما على أموالهم، بعد إيهامهم بأرباح مالية نتيجة استثمار تلك الأموال في تجارة السيارات والعقارات، علاوة على تشغيلها في البورصة، بالاشتراك مع زوجها بلال، وشقيقه وزوجة شقيقه.

 

اعترافات بلال طليق البلوجر هدير عاطف

وأما عن أقوال المتهم بلال طليق البلوجر هدير عاطف أمام جهات التحقيقات، فجاءت أقواله كالآتي: هدير فعلا كانت بتساعدني علشان كانت مراتي، ومأخدتش فلوس من أي حد وهي بس كانت بتديني رقم الحساب بتاعها علشان أحول عليهم فلوس وكانت بتجبلى أرقام فودافون كاش علشان أعرف أحول عليها فلوس بس، وأنا فعلًا أخدت فلوس من الناس علشان استثمرها، وكان بيساعدني فيها هاجر وتامر لكن هدير مكنش ليها أي دور في الموضوع ده.

هدير عاطف - بلال طليقها 

التحقيقات في قضية البلوجر هدير عاطف

وأضاف المتهم  بلال طليق البلوجر هدير عاطف: هاجر كانت بتكلم هدير لما أنا كنت مبردش على تيلفونات، فكانت بتكلمها علشان تبلغها اللي بيحصل مع العملاء علشان هدير تقولي، لكن هدير معملتليش أي إعلانات على حسابها وعمرها ما استخدمت الانستجرام بتاعها في حاجة تخصني، وأنا كنت باخد فلوس من الناس عشان استثمرهالهم في البورصة، واللي حصلي ده كان بسبب إن الناس كلها طلبت فلوسها مرة واحدة وده اللي عملي مشكلة.

هدير عاطف - بلال طليقها 

وأكمل المتهم  بلال طليق البلوجر هدير عاطف في التحقيقات: أنا فعلا كنت واخد شقة في كومباوند وكنت بستقبل فيها الناس اللي بتجيبلي فلوس، بس مكنش كل الناس بتيجي البيت، وبالنسبة للرسايل اللي على موبايلي أيوة فعلًا الرسائل دي أنا اللي كنت باعتها والصوت اللي في الرسائل ده صوتى، ودى كانت بسبب إن جالي رسائل تهديد العملاء عندي عاوزين فلوس منى وهددوني انهم هيأذوا مراتي وبنتي.

قضية البلوجر هدير عاطف

وأردف المتهم  بلال طليق البلوجر هدير عاطف في التحقيقات: أنا كنت ببعت الرسايل دي لعلا مديرة أعمال هدير مراتي، واللي ماسكة كل شغلها على السوشيال ميديا، ولما سحبت فلوس من الحساب بعتتلها إني سحبت حوالى 2 مليون جنيه عشان أحولهم للعملاء علشان أردلهم فلوسهم، وأما إسراء سلامة دي عميلة عندى وجابتلي مبلغ تقريبًا 220 الف جنيه علشان أشغلهم لها بأرباح.

هدير عاطف - بلال طليقها 

وأختتم المتهم بلال طليق البلوجر هدير عاطف في التحقيقات: وفي البداية فعلًا كانت بتاخد منى أرباح وطلبت منى أني اعلمها ازاى تشتغل في العملات المشفرة وكانت بتساعدني في تجميع بيانات العملاء ورد فلوسهم وأنا حكيت لها على كل حاجة وعلى كل حساباتي لأن هي كانت بتجيبلي كل بيانات تخصنى سواء حسابات بنكية أو اى معلومات عنى وكانت بتعرف تحدد مكاني ومكان يوسف وهاجر معرفش إزاى، وهي كانت بتساعدني علشان تاخد فلوسها وكمان علشان كنت بعلمها ازاى تضارب في العملات المشفرة وتكسب فلوس.

تابع مواقعنا