حسن شاكوش ينتقد تصريحات العسيلي عن المهرجانات: النجاح اللي قدمناه يعيشنا 20 سنة قدام | بث مباشر

هاجم مطرب المهرجانات الشعبية حسن شاكوش، الفنان محمود العسيلي بعد إنكاره معرفة أغاني مطرب المهرجانات عصام صاصا، وحديثه عن تراجع أغاني المهرجانات خلال لقاء إعلامي مع المذيعة أسما إبراهيم.

حسن شاكوش يهاجم محمود العسيلي

وأبدى حسن شاكوش انزعاجه من تصريحات العسيلي، والتي تحدث خلالها عن المطرب الأكثر استماعًا على جميع المنصات، عندما قال حينها إنه تفاجأ من أن هذا الشخص هو مطرب المهرجانات عصام صاصا واستنكر معرفته به.

ورد شاكوش على تصريحات العسيلي واستنكر حديثه عن تراجع أغاني المهرجانات، قائلًا: أنا مبحبش البني آدم اللي كده.. محمود العسيلي جالي كذا حفلة وبنزل الاستيدج وأروح أسلم عليه.. ده ذوقيًا وده اللى اتربينا عليه.

وتطرق حسن شاكوش إلى تصريح محمود العسيلي عن عدم معرفته لـ عصام صاصا، حيث قال: يعني إنت عرفت اسم عصام صاصا ومش عارف أغانيه؟.. مينفعش يكون تريند وأطلع أقول معرفش بيغني إيه.. أغاني المهرجانات مكملة وإحنا لسه هنبتدي في حياتنا.. والنجاح اللي إحنا قدمناه يشغلنا ويعيشنا 20 سنة قدام.

وفي وقت سابق، قال محمود العسيلي في لقاء إعلامي مع المذيعة أسما إبراهيم، إنه لا يعرف مطرب المهرجانات عصام صاصا، لافتًا إلى أن ما يقدمه مطربو المهرجانات ما هو إلا ظاهرة فقط.

وتابع العسيلي: معرفش عصام صاصا خالص ولا عمري سمعته ولا أعرف بيغني إيه..  بس هو الأكثر استماعًا لكن الدنيا بتتغير.. والمهرجانات كانت موضة والتريند بيتغير مع الوقت وجت لهم فترة.

واستكمل العسيلي: كانوا الحاجة المناسبة للذوق العام ودلوقتي اختفوا شوية عشان مش بيجددوا وبقى التراب هو التريند ومكسر الدنيا.. حمو بيكا وعمر كمال وشاكوش موجودين ونجاحهم كان كبير.. ودلوقتي بينجحوا في حاجات وحاجات لا ومش بقوا زي الأول وبقوا ظواهر.