كيف أقنع الشيخ عماد دجال بولاق الدكرور الضحية بإرسال صور عارية | تفاصيل صادمة
كشفت التحقيقات في القضية رقم 16736 لسنه 2023 والمقيدة برقم 4832 لسنه 2023 في اتهام شخص يدعى عماد صاحب الـ56 سنة، الدجال والمعالج الروحاني بابتزاز وتهديد المجني عليها بعد طلبه منها بإرسال صور عارية لمعالجتها، زاعما قدرته على ذلك.
عماد الدجال
وقالت المجني عليها أمام جهات التحقيق: اللي حصل إن يوم 2023/7/2 كان في بوت نازل على جروب عماد الدين روحانيات نورانية فرحت أنا رديت عليه في كومنت وكان حاجة ليها علاقة الرقية الشرعية بعدها رد عليا في التعليقات وقالي التعليق بتاعك بيخل بنظام الجروب بتاعي وبعدها دخلي على الماسنجر وقالي بعتذر لحضرتك أنا التعليق بتاعك لأنه مش متماشي مع نظام الجروب الكلام ده كان الضهر وبعدها بحوالي نص ساعة قالي أنا بتعب من الكتابة وراح اتصل صوت رديت عليه وقعد يكلمني عن نفسه وإنه روحاني وعنده 57 سنة وإنه معالج بقاله 30 سنة وإنه حافظ القرآن وقاري كتب ومطلع عليها خاصة بالروحانيات.
ماذا قال الشيخ عماد الدجال للضحية
وأضافت الفتاة المجني عليها بالتحقيقات: قعد يكلمني عن نسبه إنه ينسب لسيدنا الحسين وفي نفس المكالمة قالي الله صوتك فيه عارض وبعدها سألني عن العبادة والصلاة وقراءة القرآن، قولتله فيه تكاسل، قالي ده بسبب جنك العاشق فقالي إنك لازم تتعالجي ولازم في أسرع وقت علشان هيبقي عليكي وزر وإنه بيعاشرني معاشرة الأزواج وكان بيجبلي نصوص معرفش بيحبها منين، وكان بيستدل بآيات من القرآن مضمونها ربنا استمتع بعضنا ببعض وبلغنا أجلنا الذي أجلت لنا، كان دايما بيقولها ويقولي ده مش كلامي ده كلام ربنا، فلازم اللي اتعالج بأقصى سرعة.
وتابعت: قولتله ما هو ممكن عادي واستمر في العبادة واستمر في قراءة القرآن واسمعها، فكان بيحذرني ويقولي مينفعش تقرأي القرآن كثير، وقالي إن ده هيثبت عليكي الجن العاشق لمنعي من قراءة أي قرآن، ومنعني أكلم أي حد في الدين اللي هو دماغي أبقي معاه هو بس ومنعني أقول أي أذكار وده علشان كل ذكر وليه خادم.
