محمد شريف: لن ألعب لـ نادي الزمالك نهائيًا في حال عودتي لـ مصر
كشف محمد شريف مهاجم نادي الخليج السعودي عن كواليس رحيله عن النادي الأهلي والإنتقال للدوري السعودي، وقراره بشأن إمكانية اللعب لنادي الزمالك في الفترة المقبلة.
تصريحات محمد شريف
وقال محمد شريف في تصريحات تلفزيونية: طلبت الرحيل من الأهلي، حسيت إن ممكن يبقى ماليش دور، وكان لازم أمشي من النادي، بالرغم من إن الإدارة كلمتني في التجديد، ولكن كان الأحسن ليا وللنادي إن أمشي.
و تابع: كنت زعلان وأنا في الأهلي بسبب عدم مشاركتي بإستمرار، ولو كنت قعدت سنة كمان الموضوع كان هايبقى صعب.
وواصل: الأهلي كان رافض رحيلي للخليح السعودي، ولكن عدم مشاركتي بشكل أساسي مع الأهلي سهل عليا قرار الرحيل، واتواصلت مع مترجم كولر عشان يوصله إني مش عايز أكمل عشان في الوقت ده كنا في أجازة ، بالرغم إن كولر كان متمسك بيا، ولكن أنا قولت ده أنسب وقت أمشي، وأصريت على الخروج بمقابل مادي لإستفادة النادي، بالرغم إن عقدي كان هينتهي بعد عام واحد، وبكيت بعد كتابة بوست الرحيل عن النادي الأهلي.
عن إمكانية اللعب لنادي الزمالك
و أكمل شريف تصريحاته قائلا: في حال الرجوع لمصر الأولوية للنادي الأهلي وهذا في بند التعاقد مع الخليج السعودي، وقراري محسوم في حال العودة لمصر سأعود للنادي الأهلي، ولن ألعب لنادي الزمالك نهائيا في حال العودة لـ مصر، حتى إذا لم يطلبني النادي الأهلي لن ألعب في نادي الزمالك، وأنا عايز سيرتي بين جماهير الأهلي تفضل كويسة، وحققت أرقام كبيرة في النادي الأهلي وده سبب إن صعب ألعب في نادي الزمالك.
و زاد: طبيعي إن المدرب والجمهور يصبروا على موديست الفترة المقبلة، ومشكلتنا في مصر إننا بنحاسب بالقطعة، وفترة موسيماني أفضل فتراتي، كنت بلعب ماتشات كتير وسجلت أهداف كتير.
و أتم تصريحاته قائلا: كنت بهزر مع طارق حامد، في مباراة الخليج وضمك، وطارق حامد داخل يشوط ضربة الجزاء قولت بصوت عالي هايضيع، وكنا بنهزر، وبعد الماتش هزرنا عادي وضحكنا، لكن المشكلة في العقوبة اللي خدها، وإحنا اصلا كنا بنهزر.
