كلمة الرئيس السيسي في قداس عيد الميلاد: ربنا يجعلها سنة سعيدة علينا
هنأ الرئيس عبد الفتاح السيسي أقباط مصر بعيد الميلاد المجيد، قائلًا: كل عام وأنتم بخير، وصحة وسلامة وعيد سعيد، وسنة إن شاء الله سعيدة علينا كلنا، كل سنة وأنتم طيبين ليكم كلكم، ولكل الناس، ولكل المصريين لكل العالم.. عام سعيد وعيد سعيد.
كلمة السيسي في قداس عيد الميلاد المجيد
وأضاف الرئيس السيسي، خلال كلمته بقداس عيد الميلاد في كاتدرائية ميلاد المسيح بالعاصمة الإدارية الجديدة: نتمنى من الله سبحانه وتعالى، وندعوه إنه يخلي العام ده نهاية لفترة صعبة مرت على العالم كله، تقريبا من 2020 والظروف صعبة والأزمات صعبة، ونتمنى حتى الأزمة الكبيرة اللي بنعشها دلوقتي في منطقتنا.. مش عاوز أتكلم في مشاكل ولا حاجة، ده عيد وعاوزين نشارككم فرحتكم ونهنيكم ونتمنى لكم كل خير.
وأكمل الرئيس السيسي: إن شاء الله السنة دي سنة سعيدة علينا كلنا.. وسنتجاوز فيها بفضل الله الأزمات الكبيرة.. ونتمنى من الله أنها مش تزيد أكثر من كدة ومتستمرش أكثر من كدة.. وأكثر أزمة بنعيشها كلها أتصور هى اللى بيحصل في قطاع غزة والضفة الغربية، إحنا لينا موقف محترم ونسعى إلى على الأقل لوقف إطلاق النار وإدخال المساعدات للتخفيف على الأشقاء فى غزة.. ثم بعد كده حل للقضية اللي بتجدد كل كام سنة وتؤلمنا كلنا.
كما وجه الرئيس السيسي، التهنئة لقداسة البابا تواضروس الثاني بابا الإسكندرية وبطريرك الكرازة المرقسية، بمناسبة عيد الميلاد المجيد، مؤكدًا أنه شاهد على مواقفه المُخلصة من أجل الوطن، معقبًا: تحياتي لقداسة البابا الذي أكن له كل احترام وتقدير، وطبعا المحبة ناجمة عن مواقف ميعملهاش إلا رجال مخلصين بيحبوا بلدهم وحريصين عليها.
وتابع الرئيس السيسي: أنا عشت الكلام ده عمليا مع قداسة البابا، تقديري لك قداسة البابا وربنا يديك الصحة وبشكرك على اللي فات واللي جاي.
واختتم الرئيس حديثه قائلًا: أي أزمة وأي مشاكل وأي ظروف صعبة بفضل الله سبحانه وتعالى، طول ما إحنا الأمور هتعدي والظروف الصعبة هتنتهي والمهم تفضل بلدنا بخير وشعبها يفضل بخير.
