بطل منتخب مصر للخماسي الحديث بعد لقائه محمد صلاح: يستحق أن يكون قدوة
كشف أحمد الجندي بطل منتخب مصر للخماسي الحديث، عن تفاصيل لقائه مع محمد صلاح قائد المنتخب الوطني ونجم ليفربول الإنجليزي، قبل مشاركة الفراعنة في كأس الأمم الإفريقية 2023.
كواليس لقاء الجندي ومحمد صلاح
نشر أحمد الجندي صورًا من مقابلة محمد صلاح لمنتخب الخماسي الحديث وعلق عليها: مش مجرد صورة وخلاص، لكن لما كنت بسمع عن تواضعه واحترامه، كنت أكيد حابب أشوف ده قدامي.
وتابع: ومن يومين لما جت فرصة إننا نتقابل في تمرين المنتخب، ومضالي على تيشيرت الجري بتاع طوكيو، لقيته بيطلب إني أجيب له تيشيرت أنا اللي ماضي عليه.
وواصل صاحب الميدالية الفضية في أولمبياد طوكيو: النهاردة اتقابلنا مرة تانية وحقيقي اتبسطت بالحوار معاه، وعن طريقة كلامه وفكره فهو فعلًا يستحق أن يكون قدوة ومصدر إلهام للشباب.
واختتم أحمد الجندي: المرة دي اتصورنا بالميدالية الأوليمبية الفضية، لكن أتمنى إن شاء الله المرة اللي جاية تكون بالذهب في أوليمبياد باريس، ويكفي إننا طلعنا من بلد واحدة وقريتين جنب بعض.
وكان مران منتخب مصر يوم الجمعة الماضي، شهد حضور عدد من أبطال مصر الأولمبيين لدعم اللاعبين قبل المشاركة في كأس الأمم الإفريقية.
كلمة محمد صلاح لـ أبطال مصر الأولمبيين على هامش مران المنتخب
وأعرب صلاح عن شكره لأبطال منتخب مصر الأولمبيين الذين حرصوا على دعم منتخب مصر في مرانه اليوم، موجهًا صلاح كلمة لأبطال مصر الأولمبيين قائلًا: أنتم مشرفينا، كفاية أداؤكم في الأولمبياد والبطولات العالمية، ودايمًا مشرفينا وبترفعوا اسم البلد، وأنا عارف إن الرياضات الفردية صعبة.
وأكد صلاح، أنه يسعد بشكل شخصي بالنتائج التي يحققها أبطال الألعاب الفردية في البطولات العالمية، واختتم صلاح كلمته لأبطال مصر الأولمبيين الذين حضروا مران منتخب مصر قائلًا: دايمًا مشرفينا ودايمًا فخر لينا إن شاء الله.
