صفي الدين محمود: الناس قالت قصدنا من فيلم الأصليين جهات محددة في الدولة| فيديو
تحدث المنتج صفي الدين محمود عن فيلم الأصليين بطولة الفنانة منة شلبي وعدم نجاحه في السينما بشكل كبير، وعن آراء الجمهور بأن الفيلم معقد فكريًا.
وقال صفي الدين محمود خلال حواره مع القاهرة 24: إحنا عملنا الأصليين عشان مروان حامد كان هيموت ويعمل الفيلم وعايز يدخل التجربة دي.
وأضاف صفي الدين محمود: أكتر حاجه بحبها أن في حدوتة عايزين نحكيها مش عايزين نكتسب من وراها، فكانت تجربة الفيلم بالنسبالي تجربة هامة.
واستكمل: ممكن فيلم الأصليين كان يبقى عمل أتفه من كده بكتير ويحقق رواج جماهيري كبير وساعتها نقول فيلم مربح، والفيلم بيناقش وبيقول مين هما الأصليين ده الفخ اللي وقع في ناس كتير.. وفي ناس قالوا قصدنا أمن الدولة والمخابرات.
واختتم حديثه: الأصليين ممكن يبقوا الإرهابي اللي هو شايف كلامه صح وأنه بيطبق شرع الله، ومعندهمش استعداد يتناقشوا دي ناس صعب التعامل معهم، وأصل الأشياء أننا نتناقش.. وفكرة الأصليين هي فكرة الأشخاص اللي تحمل من وجهة نظرها الحقيقة كاملة دول الأصليين اللي شايفين كل مقدرات البلد في إيديهم وهي فكرة موجوده في عالمنا العربي بكثرة.
فيلم الأصليين
عرض فيلم الأصليين عام 2017، ويضم العمل عددا كبيرا من النجوم أبرزهم: منة شلبي، ماجد الكدواني، خالد الصاوي، إياد نصار، وعدد آخر من الفنانين، والعمل من تأليف أحمد مراد وإخراج مروان حامد.
