علمني إزاي أبقى حقيقي.. إسماعيل نصرت: أبيوسف لازم يفضل يعمل مزيكا بالشكل ده عشان دي شخصيته| فيديو
تحدث مؤلف الموسيقى إسماعيل نصرت عن تعاونه مع مطرب الراب أبيوسف، وعن نوع الأغاني الذي يقدمها.
وقال إسماعيل نصرت خلال حواره مع القاهرة 24: أبيوسف مش حاطط نفسه في قالب معين من الغنا.. وهو من الناس الحقيقية ومش بيخلق شخصية يغني بيها، لكن دي حقيقته ومزيكته حقيقية.
وأضاف إسماعيل نصرت: أبيوسف بيعمل اللي بيحسه دايما.. وهو من الناس اللي أثر فيا فنيًا وعلمني ازاي أكون حقيقي.
وعن تحضيره لموسيقى فيلم شماريخ، أوضح إسماعيل: عملت مزيكا فيلم شماريخ بعد الفيلم ما خلص، والمخرج عمرو سلامة كانت ليه رؤية معينة للمزيكا، وكان عايز حاجات معينة في الموسيقى.
واستكمل حديثه: كنت بحاول أنفذ ليه رؤية معينة، والصعوبة في الفيلم إنك بتحاول تنفذ رؤية معينة.. وأعمل مزيكا محددة مع المشاهد.
فيلم شماريخ
ضم فيلم شماريخ عدد كبير من النجوم، ومن أبرزهم: آسر ياسين، أمينة خليل، آدم الشرقاوي، سامي مغاوري، خالد الصاوي، وعدد آخر من الفنانين، والعمل من تأليف وإخراج عمرو سلامة، وتدور أحداثه في إطار تشويقي أكشن.
