تعليق قوي من ميدو على تعادل مصر مع موزمبيق.. ومشاركة كوكا

حرص أحمد حسام ميدو نجم منتخب مصر السابق، على التعليق بشأن تعادل منتخب مصر مع موزمبيق في الجولة الأولى من بطولة أمم إفريقيا. 

موعد مباراة مصر المقبلة في دور المجموعات من كأس أمم إفريقيا

كوكا: كنا نأمل في الفوز على موزمبيق.. ومن الجيد أن التعثر حدث مبكرًا

تصريحات أحمد حسام ميدو 

وكتب أحمد حسام ميدو عبر حسابه الرسمي على منصة X: مباراة سيئة جدا من منتخبنا ماعندناش أي حلول.. لاعيبة نص الملعب لا بيدافعوا ولا بيهاجموا.. باكين الجنب التلاتة اللي لعبوا مش عارفين يرفعوا ولا كورة صح.. ومفيش ضغط عليهم.

وتابع: المهاجمين واقفين في العرضيات ماحدش فيهم بيحاول يقطع قبل المدافعين، إمام عاشور نازل قرفان وبيلعب على الهادي خالص كأننا كسبانين.

وأضاف: ازاي كهربا يبقى بره وأحمد حسن كوكا هو اللي ينزل؟ ليه في الزحمة دي مصطفى فتحي مانزلش؟ أسوأ مباراة لڤيتوريا مع المنتخب.. مباراة كلها أخطاء من المدرب.

وأكمل: ربنا ستر النهاردة وطلعنا متعادلين والنقطة اللي أخدناها النهاردة هي الحسنة الوحيدة في الماتش.

واختتم ميدو تصريحاته قائلا: الماتش اللي جاي مش محتاج تأليف، لازم نلعب ٤-٣-٣ ولازم نبقى منظمين وكل اللاعيبة تلتزم بأدوارها الدفاعية.. كم اللاعيبة اللي بتتمشّى بعد ما الكورة بتتقطع مننا مرعب.

موعد مباراة منتخب مصر وغانا

ويستعد منتخب مصر لـ مواجهة منتخب غانا في الجولة الثانية من دور المجموعات لـ بطولة أمم إفريقيا يوم الخميس المقبل في الساعة العاشرة مساءً بتوقيت القاهرة.