دعاء فاروق عن تنبؤ عالمة فلك بطلاق ياسمين عبد العزيز وأحمد العوضي: كُفر بيِّن | فيديو
علقت الإعلامية دعاء فاروق، على تنبؤات عالمة الفلك، بشأن طلاق الفنان أحمد العوضي والفنانة ياسمين عبد العزيز، الأمر الذي أثار دهشة الملايين على مواقع التواصل الاجتماعي بعد إعلان الفنانة طلاقهما رسميًا.
دعاء فاروق: أنتوا متعرفوش إن دي أعمال كفر بين
نشرت دعاء فاروق، مقطع فيديو عبر حسابها الشخصي بموقع انستجرام، جاء فيه: الست اللي طلعت في البرامج عشان التوقعات، والبرامج اللي بتظهر فيها المفروض إنها محترمة، على قنوات وفريق إعداد محترم، الناس دي متعلمة دارسة إعلام، أساتذة كبار في عالم الإعلام والتقديم التلفزيوني، وبيجبوا عندهم ناس بيقولوا عليهم علماء فلك، وبيتوقعوا حاجات عن الناس، وبعدين نقول التوقع طلع صح.
تابعت دعاء فاروق: أنتم متعرفوش أن دي أعمال كفر بين، وفي شيء اسمه تسخير جن، لما نجي نقول ده بيسخر جن وبيعملوا أعمال كفر، وبيدخلوا بالقرآن في أماكن سيئة، عشان يطلعوا الجن ويقول كلام من المتشقلب.
دعاء فاروق: مش خايفين يا سادة يا قائمين على هذا البرامج من العذاب العسير
استكملت دعاء فاروق: أنا لا يمكن أفتح التلفزيون في الوقت اللي بتجي فيه الفقرات دي، بناخد ذنب كبير أنا بعين واحدة بتعمل أعمال كفر، إنها تنتشر وتبقى مهمة وتبقى أحسن من العلماء والدكاترة.
أضافت دعاء فاروق: البرامج بتجيب عالمة فلك، وهي مش عالمة فلك بتتواصل مع ناس بيعملوا أعمال كفر، ده شيء معروف أنتوا عايزين تنساقوا وراء الكفر اللي فيه حرمانية واضحة، أنتوا مش خايفين يا سادة يا قائمين على هذه البرامج من العذاب العسير، لأنكم بتشكلوا وجدان الأمة والناس، ومحدش ضامن عمره، أنا ممكن أموت حالًا، ده التاريخ اللي هسيبه أن أجيب واحد بيعمل أعمال كفر ويسخر جن عشان يجبله أخبار عبيطة دي أخبار عبيطة مش غيب.
استكملت دعاء فاروق: ده دجل وشعوذة، وأعمال سفلية، وأعمال جن، عيب أحنا ناس متعلمين ودارسين في أحسن الأماكن، لما تجي تشكل وجدان الأمة بشيء منحط، ويصعب عليا أن في مذيعين بحبهم وشاطرين جدًا ينساقوا في السكة المتخلفة دي، وكده بفتح باب كبير أن الناس تمشي تؤمن بأشكال تعمل أعمال كفر.
دعاء فاروق: اتقوا الله
تابعت دعاء فاروق: لو هي قالت التوقع وطلع صح، ده يخلينا نتأكد أن الناس دي بتحضر حاجات عن طريق حرام، وبيحضروا جن عشان يقولهم معلومة، الجهل بقى على أكبر قنوات وأهم شاشات ويجني كل هذه المشاهدة، ويعمل كل هذه الدوشة، وهي بتكون يا محضرة جن، يا تعرف حد يحضره ليها.
وطالبت دعاء فاروق القنوات التلفزيونية بمنع ظهور هذه الأمور وتجريم هذا الموضوع، قائلة: يعني إيه القنوات لا تحترم فكرة التوقعات، ويطلعوها يصقفوا ليها، ويبتدأ الناس ترحلها ويدفعوا ألفات عشان تظهر معاهم، اتقوا الله أنا بسمع قرف من الصبح، عاملينها بطلة عشان حضرت جن بطريقة حرام، اتقوا الله لو أخر كلمة وأموت بعدها اتقوا الله.
