خالد عليش: كان بيتعرض عليا فلوس من دكاترة علشان أغير أسناني
تحدث الفنان والمذيع خالد عليش عن سبب قراره بغلق الفرق في أسنانه الأمامية من خلال تركيب تقويم للأسنان، مشيرًا إلى أنه كان يريد أن يغلقها منذ أن كان صغيرًا ولكن ظروفه المادية لم تسمح له وبعد ذلك شعر أنها علامة مميزة.
وقال خالد عليش خلال ندوة تكريمه بموقع القاهرة 24: كنت عاوز أعملها من زمان وأنا في ثانوي بس كانت غالية وقتها وإحنا كنا أسرة متوسطة وفي حاجات أهم بالنسبة لينا، زي إننا نجيب جاكيت للشتاء، واتاخرت في ده ولكني كنت ناوي اعملها والموضوع في بالي، ولما بدأت اتعرف لأني مثلت من وأنا في تالتة جامعة بدأت الناس تعرفني بأني الواد اللي سنانه بعيدة عن بعضها فحسيت أنها علامة حلوة حلوة ولذيذة وجميلة.
وأضاف خالد عليش: فكرت أكمل بيها ولا أسيبها وسبتها كتير جدا لحد ما حسيت في وقت إنه كفاية بقى هي أه علامة حلوة وجميلة بس كفاية، خاصة أنا مش عاوز أمثل كوميدي تاني وعاوز اتجه للتراجيدي.
وتابع خالد عليش: محدش أقنعني وكتير جدًا من الدكاترة كانوا عاوزين يدفعوا لي فلوس علشان أعملها لأن دي بالنسبة لهم حالة ممكن يدرسوها للطلبة في الجامعة، والسنة كل فترة كانت بتبعد أكتر لأن دي حاجة ليها علاقة بعضم الفك.
يٌشار إلى أن خالد عليش شارك فيلم ليه تعيشها لوحدك بطولة خالد الصاوي وشريف منير، وجسد خلال أحداث العمل دور السائق الخاص للفنان خالد الصاوي ولكن تنشأ بينهما علاقة صداقة قوية ويحكي له خالد كل أسراره ويستأمنه على ذلك.
