صدقي صخر: تفاجأت من حجم دوري في صوت وصورة.. وحنان مطاوع من أكبر داعميني
تحدث الفنان صدقي صخر، عن تجربته في مسلسل صوت وصورة، مؤكدًا أن الفنانة حنان مطاوع بطلة العمل، كانت من أكثر الداعمين له.
وقال صدقي صخر، خلال لقائه مع الإعلامية منى الشاذلي، في برنامجها معكم، المذاع عبر شاشة قناة ON: تفاجأت من مساحة دوري في مسلسل صوت وصورة، وأنا لغاية دلوقتي ممتن جدًا وللشجاعة والجرأة بتاعة صناع العمل في الاختيار، وهي شخصية عميقة ومليانة بطبقات كتير، وأنا بقيت خبير اكتئاب بعد ريفو، ولكن الاكتئاب ده كان بداية الشخصية، وكان فاقد الأمل في العدالة اللي هي شغلانته وحياته.
وتابع صدقي صخر: كان فيه مخاطرة في مشهد المرافعة واللغة العربية ومخارج الحروف، ومن حسن الحظ أن والدي كاتب وروائي، وعندنا مكتبة في البيت، فأنا بقرأ من وأنا صغير وبحب القراءة والعربي بتاعي كويس، فالحمد لله أن المشهد ظبط.
وأضاف: أنا بسعى أكون في الشكل المثالي اللي شخصية لطفي عبود فيها، وبحاول أراعي ضميري في شغلي وعلاقاتي بالناس وحياتي.
صدقي صخر: نسيت إني بمثل قدام حنان مطاوع
أما عن تعاونه مع الفنان حنان مطاوع، خلال أحداث مسلسل صوت وصورة: أنا عندي كم تقدير مهول لـ حنان مطاوع، وقعدت تُثني عليا في مسلسل ريفو وقالتلي أنا مؤمنة بيك إيمان قوي جدًا، وهي كان إيمانها بيا أكبر من إيماني بنفسني، وكانت من أكتر الناس المساندة ليا، ولما نكون قدام حد بموهبة حنان مطاوع وقد إيه هي جادة مفيش حل غير إني أسلم وأقدم كل اللي أقدر عليه، وفي مشاهد فعلًا نسينا إننا بنمثل.
