دينا عن انتقادات ظهور نجاة الصغيرة: كان لازم نستوعبها عشان تاخد جائزة ونرفع روحها المعنوية
علقت الفنانة دينا على الانتقادات التي طالت الفنانة نجاة الصغيرة بسبب تقدمها في العمر، بعد ظهورها المفاجئ في حفل Joy Awards، بعد غياب ما يقرب من 20 عامًا.
وقالت دينا خلال لقائها مع القاهرة 24: على الأقل بعد سنين العمر الطويلة ديه اللي أديتها للفن، أعتقد لو هي حتى أكبر من كده كمان، كان لازم نستوعبها عشان تاخد جائزة ونرفع من روحها المعنوية وتبقى نفسيًا مظبوطة، أنا مع ظهورها مش ضد.
أما عن مشاركتها في فيلم عادل مش عادل، أردفت دينا: معملتش الشكل ده قبل كده في السينما، وعملت أكشن وجريت جري فظيع في الفيلم، وفرحانة بيه.
وعن تعرضها للحسد، أضافت دينا: الله خير حافظ، وهو خير الحافظين.
أفلام دينا الجديدة
تستعد دينا لطرح فيلم عادل مش عادل مع الفنان أحمد الفيشاوي، وذلك يوم 24 يناير الجاري في دور العرض المصرية، وضم الفيلم العديد من الفنانين مع الفيشاوي ودينا، منهم: شيري عادل، محمود البزاوي، محمد رضوان، محمد أوتاكا، بدرية طلبة، مصطفى أبو سريع.
وطرح مؤخرًا فيلم الملكة بطولة دينا والفنانة هالة صدقي، وشاركهما التمثيل العديد من الفنانين، منهم: كريم فهمي، شيرين رضا، باسم سمرة، محمد رضوان، رانيا، بدرية طلبة، عارفة عبد الرسول، انتصار.
