ريهام سعيد: فيه ناس بتقول تستاهل عشان بتغير خلقة ربنا.. ودلوقتي لازم أحط 13 كيلو مكياج عشان أنزل
ظهرت الإعلامية ريهام سعيد لأول مرة دون ميكاج، بعد إجرائها عملية التجميل الأخيرة، التي تحدثت عن فشلها الأيام الماضية، مؤكدة تشوه وجهها.
ريهام سعيد في أول ظهور إعلامي دون مكياج
وقالت ريهام في تصريحات تلفزيونية: أنا منقطعة عن ناس كتير أوي، ولازم أحط 13 كيلو ميكاج عشان أنزل، وفي الاستوديو بنحط حاجة تدعم الوش ودي بفلوس كتير والقنوات بتأجرها ليّ.
وأضافت باكية: حلمي التمثيل، ولو حد عاوزني في عمل هيقوله دي اتشوهت، كان في لحظات وحشة اوي.
وتابعت: آخر مرة روحت للدكتور عملي فيلر عشان في حفرة جامدة عندي، بس أنا هدوب الفلير وهتعرض على الطب الشرعي، منوهة: في ناس كتير بتقول تستاهل عشان بتغير خلقة ربنا.
عملت عملية التجميل عشان كبرت في السن
أكدت ريهام أنها قررت إجراء عملية التجميل نظرًا لكبر سنها، ولكن النتيجة كانت صادمة حيث تغيير شكلها بالكامل، بحسب ما زعمت في حديثها.
وواصلت: أنا مكنتش هقول إني اتشوهت، مش حلو إن جمهوري يعرف أني اتشوهت، كنت بطلة على الهوا لابسة نضارة فاضية عشان تداري الحفر اللي في وشي.
واستكملت: بقالي 10 شهور بلبس نضارات فاضية، ولو ملقتش نضارة في شنطتي بعيط.. هروح أرمي كل النضارات دي خلاص، مهو حمل وانزاح.
وأوضحت: الكل هيتأقلم على وجهي الجديد، بالإضافة إلى تأقلمي على الوضع الجديد، متابعة: بشكر كل واحد بيدمرني نفسيًا أكتر.
وأردفت: مكنتش قادرة أطلع هوا النهارده، بس طلعت احترامًا ليكم عشان قولتلكم هطلع لجمهوري عشان محدش يقلق عليّ.
واستطردت: هرفع قضايا في مصر والعراق الإمارات، وستتضمن تشهير وسف وقذف وخروج عن المعايير الطبية.
وأضافت: طول ما أنا حية أرزق، سأظل باحثة عن حقي وسأسترجعه، متابعة: أنا ست لوحدي مليش حد خالص، بس أنا هاخد حقي، كل ما بيتغلط فيّ بيكون في ميزان حساناتي.
وأكدت: عمليات التجميل مش حاجة وحشة، وشنا رأس مالنا، بالبلدي أكل عيشنا بنعتمد عليه في كل حاجة، مينفعش ممثلة أو مذيعة مش حلوة أو باينة أنها كبيرة في السن، لأن انتم كمان مبترحموش.
واستطردت: أنا مش هصلح اللي حصل فيّ إلا لما اتعرض على الطب الشرعي، وأنا عندي ثقة رهيبة في القضاء وربنا.
