هنا الزاهد تحسم الجدل بشأن تقديم جزء ثانٍ من مسلسل سيب وأنا أسيب
حسمت الفنانة هنا الزاهد فكرة تقديم جزء ثان من مسلسل سيب وأنا أسيب، الذي لعبت بطولته مع الفنان أحمد السعدني في 2023 على منصة شاهد، وحققا نجاحًا ملحوظًا.
وقالت هنا الزاهد في تصريحات إذاعية: 2023 كان وشها حلو عليا وعملت فيها مسلسل سيب وأنا أسيب هو كان فيه جزء تاني بس تقريبًا مش هيتعمل، وأنا حبيت المسلسل ده الناس حبت الشخصية واتعرفت على ناس خطيرة زي أحمد السعدني ودنيا وبقوا أصحابي.
وأضافت: وعملت في السينما فيلم مستر إكس وكنت مبسوطة بيه جدًا ونجح نجاح كبير جوا مصر وبرا مصر وأعلى فيلم في الخليج.
كواليس مسلسل سيب وأنا أسيب
أما عن كواليس مسلسل سيب وأنا أسيب، أردفت هنا الزاهد: فيه مشهد إحنا كنا مش فيه لا أنا ولا السعدني واللي كان بيعمله دنيا والسيسي عن الاتفاق على اللي ناقص في الجواز، وإحنا دخلنا فيه في الآخر وكان آخر اليوم خالص وأنا كنت نايمة في المشهد وطلع بشكل طبيعي جدًا وبنقول الكلام وكان معمول حلو أوي.
وعن تعاونها مع الفنان أحمد السعدني في المسلسل، قالت هنا الزاهد: أحمد كنت فاكراه تنك جدًا؛ لأنه كان معايا في الجيم وكان بيسلم معايا بطريقة مش أحلى حاجة وكأني fan وأنا بسلم وهو طلع بيتكسف شوية، وبعد المسلسل اختلف خالص مفيش مقارنة هو بجد خطير.
