المذيعة مريم أمين: الستات تسكت دلوقتي.. والرجالة بخلاء غصب عنهم
وجهت المذيعة مريم أمين، رسالة للسيدات بعدم الضغط على أزواجهن في الأمور المادية، مؤكدة أن الرجالة أصبحوا حريصين في الإنفاق رغمًا عنهم.
وقالت مريم أمين، في برنامجها اتفقنا، المذاع محطة نجوم FM: الستات تركن شوية وتسكت، وما حدش ييجي ناحية الرجالة في موضوع الفلوس دلوقتي، أنتم فاهمين يعني إيه أنكم ماسكين في رقبته؟ كل راجل دلوقتي لو عنده طفل واحد الدنيا ضبابية قدامه ومش عارف هيعمل إيه، ولا عارف بكره مستنيه إيه.
وأضافت مريم أمين: بلاش نقول بقوا بخلاء ده غصب عنهم، ولو أنتي مش بتشتغلي هيبقى كله عليه، وكلنا الأنبوبة فرقعت في وشنا.
مريم أمين
ومن ناحية أخرى، مريم أمين هي إعلامية مصرية قدمت عددا من البرامج التلفزيونية الشهيرة، ومن بينهم برنامج المقالب الشهير حيلهم بينهم عام 2007، برنامج لعب النجوم عام 2012، البيت بيتك عام 2004، القاهرة اليوم 1998، تاراتاتا 2007.
وسبق وأن قدمت المذيعة مريم أمين، حفل افتتاح الدورة الثالثة من مهرجان القاهرة للسينما الفرنكوفونية، والتي انطلقت في الفترة 26 لـ 29 من شهر ديسمبر الماضي بسينما الهناجر بدار الأوبرا المصرية، تحت شعار السينما.. درع العقول وسيف المبدعين.
