دومينيك حوراني: بحس بالأمان لما بقعد في مصر.. وعندي دويتو مع ممثل وهنبقى تريند
كشفت الفنانة اللبنانية دومينيك حوارني، عن دويتو غنائي يجمعها بأحد الممثلين، مؤكدة أنهما سيكونا مفاجأة للجمهور وسيتصدران تريند محركات البحث.
وقالت دومينيك حوراني، في لقائها مع القاهرة 24، على هامش حضورها العرض الخاص لفيلم درويلة: أنا بسجل أغاني الفترة دي، وعندي ديو مع ممثل هيعمل مفاجأة ماحدش هيتوقع مين الممثل ده، وهنتصدر التريند بإذن الله.
وتابعت دومينيك: أنا دلوقتي عايشة في مصر، وكل البلدان خير وبركة، وأنا عشت في لبنان ودبي ومصر، والتلاتة دول بلداني العربية المفضلة، وتحية لكل الجالية العربية في كل مكان، ولكن بلاقي نفسي حاسة بأمان وأنا ساكنة هنا في مصر.
دومينيك حوراني: دكاترة التجميل جزارين بيشوهوا الناس
وكشفت دومينيك حوراني، عن رأيها في عمليات التجميل، قائلة: أنا مبحبش عمليات التجميل وبخاف منها، وأنا قبل كده دخلت اتفرح على عمليات تجميل بحكم شغلي وتسويق لعيادات تجميل ودكاترة مهمين في أمريكا، والموضوع مخيف جدًا.
وأضافت: قررت في حياتي مش هعمل عمليات تجميل، غرفة الجراحة حاجة خطيرة، أنا مبنصحش حد بالتجميل، الناس قاعدة تشوه نفسها الدكاترة بتوع التجميل جزارين، خافوا منهم.
دومينيك حوراني توجه رسالة لمنتقديها
سبق ووجهت دومينيك حوراني، رسالة لمنتقديها، وقالت في تصريحاتها لـ القاهرة 24: الجمهور شايف إني جريئة ولكن أنا مش كده، الناس الحمد لله بتحبني وبتشوفني مجنونة وجرئية شوية ولكن دي مش مشكلتي، فيه ناس معقدة ورا الشاشة والسوشيال ميديا قاعدين بيشتموا كل أنواع الفنانين.
