هتك عرض فتاة التجمع الخامس.. المجني عليها: وعدني بالجواز فحبيته وسلمته نفسي وهربت معاه| تحقيقات
استغل غفير فيلا بـ التجمع الخامس، صغر سن فتاة لم تبلغ الـ18، ابنة صديقه الذي يعمل في الفيلا المجاورة له، وأغواها باسم الحب، حتى تمكن من هتك عرضها لمدة 3 سنوات متتالية، وهرب بها إلى الإسكندرية، وهنا أبلغ والدها الشرطة التي أمسكت به ليكتشف رجال المباحث جريمة هتك العرض الذي خفيت لسنين طبقًا للتحقيقات.
هتك عرض فتاة التجمع الخامس
حصل القاهرة 24 على التحقيقات في قضية هتك عرض فتاة التجمع الخامس، حيث استدعت جهات التحقيق الفتاة المجني عليها.
وقالت الفتاة في التحقيقات: اللي حصل إن أنا أعرف عرفة غفير الفيلا اللي جنب الفيلا اللي شغال فيها أبويا، ومن حوالي 4 سنين وهو كان بيجي يقعد مع أبويا علطول ويشرب معاه شاي ومكانش في خلافات بيننا ولا أي حاجة، وكان بيتكلم معايا واتعرفنا على بعض وكان بيخرج معايا ويفسحني وروحنا الهرم وأنا حبيته وهو حبني، وأخد رقم تليفوني بعد شهر من تعارفنا على بعض ولقيته بيكلمني وبيقولى إنه عايزني أروحله الفيلا اللي هو شغال فيها علشان نقعد مع بعض، وأنا كنت بروحله وكان بيجيبلي أكل وناكل مع بعض ونهزر ونضحك مع بعض وكنت لما بروحله في الأول يمسك إيدى وكان بيقولى إنه بيحبني وهيجوزني ووعدني بالجواز واستمرت ما بينا العلاقة على كده.
وأضافت فتاة التجمع الخامس في التحقيقات: من حوالي 3 سنين لقيته بيكلمنی وبيقولى تعالي نقعد مع بعض شوية، وأنا روحتله ودي كانت أول مرة يعمل علاقة معايا ودخلني الأوضة بتاعته اللي في الفيلا اللي هو شغال فيها، وأول ما دخلت الأوضة بتاعته جاب أكل وكلنا وهزرنا وضحكنا ولقيته بيعمل معايا علاقة كاملة، وأنا كنت مبسوطة معاه علشان كان وعدني وبالجواز وأنا كنت بحبه وهو بيحبني.
وتابعت: كنت بروحله مرة كل أسبوع ولحد يوم الجمعة 28 أبريل 2023 حوالي الساعة 4 العصر لقيته بيتصل بيا وبيقولى تعالي علشان هنسافر أنا وإنتي اسكندرية هنتجوز وهنعيش هناك، وأنا ساعتها فرحت وسيبت البيت وروحتله لقيته أخدني وركبنا ميكروباص قعدنا فيه حوالي ساعة، وبعدين نزلنا وروحنا على شقة قالى إنه مأجرها وكنا قاعدين فيها وحدنا، وعاشرني معاشرة الأزواج، ويوم الاثنين اللي فات لقيت عرفة بيقولى إن أبويا بلغ القسم وعمل محضر وإن أخوه اتحبس وقالي لازم ترجعي وأنا قولتله مفيش مشكلة علشان أخوك المحبوس، ورجعت وأول ما رجعت أبويا جابني على هنا وهو دا كل اللي حصل.
وألقت الأجهزة الأمنية بقسم شرطة التجمع الخامس القبض على الغفير المتهم بهتك عرض فتاة التجمع الخامس، وتم عرضه على جهات التحقيق التي قررت حبسه على ذمة التحقيقات، ثم إحالته للمحاكمة الجنائية.
