بعد عثورها على حيوانات منوية أمام منزلها.. سالي عبد السلام: خايفة أروح لشيوخ ومبفوتش فرض
قالت الإعلامية سالي عبد السلام، إنها عثرت على أشياء غريبة أمام منزلها، وذلك بعد عثورها اليوم على كيس به حيوانات منوية، وشكت في كونه سحر أسود لأذيتها، وطلبت من جمهورها مساعدتها.
وقالت سالي عبد السلام في فيديو نشرته عبر حسابها بموقع فيس بوك: حصل حاجة غريبة بقى لها فترة بتحصل عندنا، ومعرفش مين بيعمل كده، وعملت سيرش في جوجل طلع سحر أسود، حتى والله لسه ما قلت لأهلي، ولو حد يعرف يساعدني، لأني خلاص عطلت، وكل مرة بلاقي حاجات غريبة عند عتبة البيت، وقبل كده لقيت قطة متكسر عضمها وميتة وفي بوقها ورقة، والنهارده وأنا نازلة لقيت كيس فيه حيوانات منوية ومرمي قدام الباب جوه البيت.
وكتبت سالي عبد السلام على الفيديو الذي نشرته: ده فعلا زى ما طلع لي على جوجل إنه سحر معمول.. ومش أول مرة حد ييجى يرمي حاجة غريبة في المدخل على السلم نفسه جوا قدام البيت.. فيه حد يعرف يقولي ده ايه ويساعد؟ أنا بجد تعبت وزهقت وبيحصل بعدها مشاكل كتير أو حد يبقى عيان جدا فى البيت.. فيه حاجة بتتعمل سحر كدة أصلا؟
سالي عبد السلام لـ القاهرة 24: خايفة أروح لشيوخ
وأوضحت سالي عبد السلام في تصريحات لـ القاهرة 24: فيه كاميرات حوالين الكومباوند ومش بدخل حد بيتي، والموضوع ده من قبل ما أتجوز بسنة ونص، وكان بيتقال إن الثعلبة اللي عندي من زمان بسبب سحر، ومكنتش بصدق الموضوع، وخايفة أروح لشيوخ لأني ما أضمنش، ومبفوتش فرض وبشغل سورة البقرة على طول.
